တမန်တော်မြတ်(ဆွ)၏ သြဝဒတော်များသည် မွတ်စ်လင်မ်များအဖို့ ကုရ်အာန်ကျမ်းတော်မြတ်၏နောက်ပိုင်းတွင် အရေးကြီးဆုံးသော သြဝဒတော်များဖြစ်၏။
မွတ်စ်လင်မ်များအနေနှင့် ယင်းသြဝဒတော်များကို အာဂုံဆောင်ထားခြင်း၊ လက်တွေ့လိုက်နာကျင့်သုံးခြင်းနှင့်
သူတစ်ပါးတို့အား သင်ကြားပို့ချခြင်းတို့မှာ အတိုင်းမရှိ ထူးမြတ်လှပေသည်။
၁။ အကြင် သူသည်ဆွေမျိုးဖြတ်က ငါအရှင်သည်လည်း ၎င်းနှင့်အဆက်ဖြတ်တော်မူမည်၊
ဟု၍ဖြစ်၏။
( သစ်ရ်မိဇီကျမ်း )
၂။ တမန်တော်မြတ်(ဆွ)က အမျိုးဆက်သောသူ၏ အသက်သည် ရှည်လျား၏။
( ဗုခါရီကျမ်း၊ မွတ်စလင်မ်ကျမ်း )
၃။ နှစ်ပေါင်းငါးရာအကွာအဝေးမှပင် ရနိုင်သည့် ဂျန္နသ်သုခဘုံ၏ မွှေးရနံ့များကို ဆွေမျိုးဖြတ်သူ၊
ရှုရှိုက်ခံစားရလိမ့်မည်မဟုတ်ဟု မိန့်တော်မူခဲ့၏။
( သွဗရာနီကျမ်း )
၎။ တမန်တော်မြတ်(ဆွ)က မိဘနှစ်ပါးတို့အား ကျွေးမွေးပြုစု၊စောင့်ရှောက်ခြင်းသည် စွလာသ်ဝတ်ပြုခြင်း၊
စွိယာမ်ဥပုသ်စောင့်ထိန်းခြင်း၊ ဟဂ်ျနှင့်အွန်ရဟ်တို့ကို ပြုလုပ်ခြင်း၊ အလ္လာဟ်အရှင်မြတ် လမ်းတော်၌ စစ်ပွဲဆင်နွဲခြင်း၊
စသည့်ကျင့်စဉ်မွန်တို့ထက်သာ၍မြတ်၏။
( အဗူဟအ်လာကျမ်း၊ သွဗရာနီးကျမ်း )
၅။ မိခင်၏ဝတ္တရားသည် ဖခင်၏ဝတ္တရားထက် နှစ်ဆပို၏။( အစ်ဗ်နုမနီးအ်ကျမ်း )
မိဘတို့သည် မိမိတို့ အသက်ထင်ရှားရှိစဉ် ကာလ၌ သားသမီးတို့အားပေးကမ်းလိုသော် သားသမီးအားလုံး၊
အညီအမျှခွဲဝေပေးကြရမည် ဟုမိန်တော်မူခဲ့၏။
( သွဟာဝီကျမ်း )
၆။ အိမ်နီးချင်းတို့၏ ဝတ္တရားမှားနှင့်စပ်လျဉ်း၍ တမန်တော်မြတ်(ဆွ)က ကိယာမသ် ကမ္ဘာ့တရားခွင်နေ့တွင် အိမ်နီးချင်းများ၏
ဝတ္တရားများနှင့်စပ်လျဉ်း ဦးစွာမေးမြန်း စစ်ကြောခြင်းကို ခံရပေမည်ဟု မိန့်တော်မှုခဲ့သည်။
( သွဗရာနီကျမ်း )
၇။ အမျိုးသမီးတစ်ဦးသည် ဘာသာရေးကို အထူးလေးစား ကိုင်းရှိုင်းသူဖြစ်ပါလျက် ၎င်း၏ အိမ်နီးချင်းများက ၎င်းကို
မကျေနပ်ကြ မလိုလားကြသဖြင့်၊ တမန်တော်မြတ်(ဆွ)က အဆိုပါ အမျိုးသမီးသည် ဂျဟန္နမ်ငရဲသို့ လားရမည့်သူဖြစ်ကြောင်း
ပြောတော်မူခဲ့၏.....
( အစ်ဗ်နု အဗီ ရှိုင်ဗဟ်ကျမ်း )
၈။ မွတ်စလင်မ်ဟူသည် မိမိ၏လက်ဖြင့်လည်းကောင်း၊ နှုတ်ဖြင့်လည်းကောင်း၊ အခြားမွတ်စလင်မ်တို့ကို
ဒုက္ခမပေးသူဖြစ်၏။
( သစ်ရ်မိဇီကျမ်း )
၉။ တမန်တော်မြတ်(ဆွ)က အလီသခင်အား အို-အလီ၊ စွစ်ဒီးကီးန် အမှန်တရား ထာဝရ လက်ကိုင်ထားသည့်
သူတော်စင်တို့၏ အဆင့်အတန်းကို လိုလားပါက သင်သည် မိမိနှင့်ဆွေမျိုးဖြတ်သူနှင့်၊ ဆွေမျိုးဆက်ပါ။
အသင့်အား ညှင်းပန်းနှိပ်စက်သူနှင့် ကောင်းစွာဆက်ဆံပါ။ အသင့်အားမကောင်းပြုသူအား အသင်က
အကောင်းပြုပါ။ ဟုမိန့်ကြားတော်မူခဲ့။
( မွတ်စ်နဒ် အဟ်မဒ်ကျမ်း )
၁၀။ မိမိကြိုင်နှစ်သက်သည်များကို သူတစ်ပါးအတွက်လည်းကြိုင်နှစ်သက်ရမည်။ အကြောင်းမှာ ဟဒီးဆ်တော်၌
ဤသို့သောအရည်အချင်းရှိသူသည် အီမန်နှင့်တကွ ကွယ်လွန်သေဆုံးပါက ဂျဟန္နမ်ငရဲမှ လွတ်ငြိမ်းခွင့်
ရရှိမည်ဟု သတင်းကောင်းလာရှိ၏။
( မွတ်စလင်မ်ကျမ်း )
၁၁။ ကြီးသူကိုလေးစားပါ။ ငယ်ရွယ်သူကို ကြင်နာသနားပါ။ တမန်တော်မြတ်(ဆွ)က အကြင်လုလင်ပျိုသည်
သက်ကြီးယ်အိုတစ်ဦးဦးကို လေးစားဂုဏ်ပေးခဲ့သော် ထိုသူသက်ကြီးရွယ်အို ဖြစ်သည့်အခါတွင် ၎င်းအား
လေားစားကြည်ညိုမည့်သူ တစ်ဦးဦး အလ္လာဟ်အရှင်မြတ်က ဖန်ဆင်းတော်မူမည်ဟု မိန့်တော်မူခဲ့သည်။
ဤဟဒီးစ်သြဝါဒတော်က သက်ကြီးရွယ်အိုအား လေးစားသူသည် အသက်ရှည်စွာ လောက၌ နေထိုင်ရမည်ဖြစ်ကြောင်းကိုလည်း ဖေါ်ညွန်းထားသည်။
( သစ်ရ်မိဇီကျမ်း )
၁၂။ လူတိုင်းနှင့် ဆက်ဆံရာတွင် ပြုံးပြုံးရွှင်ရွှင် ဆက်ဆံရမည်။ အကြောင်းမှာ ဤသို့ ပြုံးချိုစွာ ဆက်ဆံသူသည်
ဂျဟန္နမ်ငရဲမှလွတ်ငြိမ်းရမည်ဖြစ်ကြောင်းနှင့် အလ္လာဟ်အရှင်မြတ်၏ ကျေနပ်နှစ်သက်မှုကို ရရှိသူဖြစ်ကြောင်း
တမန်တော်မြတ်(ဆွ) က သတင်းကောင်းပါတော်မူခဲ့၏။
( အစ်ဗ်နု ဟစ်ဗ္ဗားန်ကျမ်း၊ ဗိုင်ဟကီကျမ်း )
၁၃။ စကားအပို့အယူးလုပ်သူ(ကုန်းချော၊ကုန်းတိုက်သူ)တို့၏စကားကို မည်သည့်အခါမှ နားမထောင်လေနှင့်။
၎င်းတို့သည် ကုန်းချော ကုန်းတိုင်လုပ်ကာ မွတ်စလင်မ်နှစ်ဦးကြား သွေးကွဲအောင်ပြုခြင်း သာဖြစ်သဖြင့်
ထိုလုပ်ဆိုးကြေင့် ၎င်းတို့၏ သာသနာရေးလည်ပျက်စီးရ၏။ လောကုတ္တရာတွင် ဂျဟန္နမ် ထဲသို့လားကြရန်
ဖန်တီးဆောင်ရွက်နေကြခြင်းဖြစ်၏။
( ဗုခါရီကျမ်း၊ မွတ်စလင်မ်ကျမ်း )
၁၄။ မိမိသည်မွတ်စလင်မ်တစ်ဦးတစ်ယောက်နှင့် မသင့်မြတ်သဖြင့် စကားမပြောဘဲ သုံးရက်ထက်ပို၍
မနေအပ် မနေပိုင်။
(ဗုခါရီကျမ်း၊ အဗူဒါဝူးဒ်ကျမ်း၊ နစာအီကျမ်း )
၁၅။ မိမိသည် မွတ်စလင်မ်တစ်ဦးအား ခွင့်လွှတ်ခဲ့သော် အလ္လာဟ်အရှင်မြတ်သည် ကိယာမသ် ကမ္ဘာ့တရားခွင်နေ၌
မိမိ၏အမှားများကို ခွင့်လွှတ်တော်မူလိမ့်မည်။
( အစ်ဗ်နု ဟစ်ဗ္ဗားန်ကျမ်း )
၁၆။ လူတို့၏အဆင့်အတန်းကို ထောက်ရှုလျက် ဆက်ဆံမှု ပြုသင့်၏။ ဆိုလိုသည်မှာ လောကီ အသိုင်းအဝိုင်းမှ
ဂုဏ်သရေရှိ ပုဂ္ဂိုလ်တစ်ဦးဦး မိမိထံလာရောက်သည့်အခါ ၎င်းအား ဂုဏ်ပေးကာ ဆက်ဆံသင့်သည်။
တစ်ခါတွင် လောကီအသိုင်းဝိုင်းမှ လူချမ်းသာတစ်ဦး ရောက်လာသည့်အခါ တမန်တော်မြတ်(ဆွ)က
မိမိ၏ ခြုံစောင်တော်ကို အဆိုပါပုဂ္ဂိုလ်ထိုင်စေရန် ခင်းပေးတော်မူခဲ့၏။ ထို့နောက် တမန်တော်မြတ်(ဆွ)က
အသင်တို့ထံသို့ လူအဖွဲ့အစည်တစ်ခုမှ ခေါင်းဆောင်တစ်ဦး လာရောက်သည့်အခါ ၎င်းအား လေးစားစွာ
ဂုဏ်ပြုချက်ဆက်ဆံကြကုန်..ဟုမိန့်ကြားတော်မူခဲ့၏။
(ဗတ်ဇ်ဇာရ်ကျမ်း၊အစ်ဗ်နုခုဇိုင်မဟ်ကျမ်း၊သွဗရာနီကျမ်း၊
အစ်ဗ်နုအဒီကျမ်း၊ဟာကင်မ်ကျမ်း )
၁၇။ မွတ်စလင်မ်တို့၏ အပြစ်အနာအဆာများကို မထုတ်ဖေါ်လေနှင့် သူတစ်ပါး၏ အပြစ်ကို ဖုံးကွယ်သူသည်
ဂျန္နသ်သုခဘုံသို့ ဝင်ရောက်ရမည်ဖြစ်၏
( သွဗရာနီကျမ်း )
၁၈။ သူတစ်ပါး၏ နောက်ကွယ်အတင်းမပြောရ။ တစ်ဦးတစ်ယောက်၏ အပြစ်အနာဆာကိုလည် မလေ့လာမစူးစမ်းရ
မှတ်သားသင့်သည့် အချက်မှာ သူတစ်ပါး၏ အပြစ်အနာဆာကို ထုတ်ဖေါ်သူ၏အပြစ်အနာအဆာများကို
အလ္လာဟ်အရှင်မြတ်ကလည်း နက်ဖြန်ထုတ်ဖေါ်တော်မူလိမ့်မည်။
( အဗူဒါဝူးဒ်ကျမ်း )
၁၉။ အောက်တန်းကျစေတော်မူလိမ့်မည်။ အလ္လာဟ်အရှင်မြတ်က သိက္ခာကျစေတော်မူလျှင် ထိုသူသည်
မည်သည့်အခါမှ သိက္ခာ ရှိနိုင်တော့မည်မဟုတ်ချေ။
( ဗုခါရီကျမ်း )
၂၀။ မွတ်စလင်မ်များတို့၏ လိုအပ်ချက်များကို ဖြည့်ဆည်းပေးရန် ကြိုးစားရမည်။ ဟဒီးဆ်သြဝါဒတော်၌
လာရှိသည်မှာ များသောအားဖြင့် တမန်တော်မြတ်(ဆွ)သည် မွတ်စလင်မ်တို့အား တစ်ခုခုပေးကမ်းရာတွင်
ချက်ချင်းမပေးကမ်ဘဲ ဆိုငံ့၍ ပေးတော်မူလေ့ရှိ၏ ထိုနောက် တမန်တော်မြတ်(ဆွ)က မိန့်ကြားတော်မူသည်မှာ
ကျွန်ုပ်သည် တောင်းခံသူ တစ်ဦးတစ်ယောက်အား ချက်ချင်းမပေးကမ်းခြင်း၏ ရည်ရွယ်ချက်မှာ သင်တို့သည်
လာရောက်တောင်ခံသူအား ပေးကမ်းပါရန် ထိုသူဖက်မှ အသနားခံနိုင်စေရန်နှင့် ထိုသို့အသနားခံခြင်းဖြစ်သည်
သင်တို့သည် ကောင်းမြတ်သည့်စကားကို ဆိုကာအကျိုးဆဝါးဗ်ရယူကြရန် ကျွန်ုပ်ဆိုင်းငံ့လျက် အခွင့်ပေး
ခြင်းဖြစ်၏။
( အဗူဒါဝူးဒ်ကျမ်း )
၂၁။ မွတ်စလင်မ်တို့၏ လိုအပ်ချက်များ ကိုဖြည့်ဆည်းပေးရန်
ကြိုးစားအားထုတ်ခြင်းမှာ အကျိုးရှိသည့် ကိစ္စရပ်ဖြစ်၏။ သင်တို့၏ ကြိုးစားမှုသည် ထိရောက်သည်ဖြစ်စေ
မထိရောက်သည်ဖြစ်စေ အကျိုးဆဝါးဗ်ရ၏။ ဟဒီးဆ် သြဝါဒတော်တွင် ဤသို့ မွတ်စလင်မ့်လိုအပ်ချက်ကို
ဖြည့်ဆည်းပေးခြင်းသည် တစ်နှစ်လုံး အိအ်သိကာဖ် ထိုင်ရာတွင် ရရှိမည့် အကျိုးဆဝါးဗ်ထက်သာ၍မြတ်၏
ဟုလာရှိပေသည်။
( ဟာကင်မ်ကျမ်း )
၂၂။ မွတ်စလင်မ်တစ်ဦးနှင့် တွေ့ဆုံသည့်အခါတိုင်း မိမိကဦးစွာစလင်မ်မေတ္တာပို့သ၍ လက်ဆွဲနှုတ်ဆက်ရမည်။
ဟဒီးဆ်သြဝါဒတော်၌လာရှိသည်မှာ မွတ်စလင်မ်နှစ်ဦး လက်ဆွဲနှုတ်ဆက်သူသည် အလ္လာဟ်အရှင်မြတ်၏ ရဟ်မသ်
ကရုဏာတော်၏အဆပေါင်း ခုနစ်ဆယ်အနက် ခြောက်ဆယ်ကိုးဆကို ရရှိပြီး ကျန်တစ်ဆကိုသာ ကျန်သည့်
မွတ်စလင်မ်က ရရှိခြင်းဖြစ်၏။
( ဟကီးမ်သစ်ရ်မိဇီကျမ်း )
၂၃။ မွတ်စလင်မ်ညီနောင်တစ်ယောက်ယောက် ၎င်း၏အိုးအိမ်တွင် မရှိသည့်အခါမျိုးတွင် ၎င်း၏ ဂုဏ်သိက္ခာ သို့မဟုတ်
ပစွည်း ဥစွာနှင့်စပ်လျဉ်း၍ ဆုံးရှုံးမှုနှင့် ရင်ဆိုင်ရတော့မည့်အခါ ၎င်းဆုံးရှုံးနစ်နာမှုကို ပပျောက်အောင် ပြုခြင်းဖြင့်
၎င်းအားကူညီစောင်မပါ ဟဒီးဆ်သြဝါဒတော်၌ လာရှိသည်မှာ တစ်နေရာရာတွင် မွတ်စလင်မ်တစ်ဦးဦး၏
ဂုဏ်သိက္ခာကျဆင်းနေပြီဟု ယူဆရပါက အဆိုပါ မွတ်စလင်မ်အား ကူညီစောင်မသူအား အလ္လာဟ်အရှင်မြတ်က
လိုအပ်သည့်အချိန်တွင် ကူညီစောင်မတော်မှုလိမ့်မည်။
( အဟ်မဒ်ကျမ်း၊ အဗူဒါဝူးဒ်ကျမ်း )
၂၄။ ဆိုးသွမ်းသူးများ၏ ရန်မှ ရှောင်ကြည်ရန်အတွက် ၎င်းတို့အား ပျူငှာစွာ ဆက်ဆံခြင်းပြုရမည်။
ဟဒီးဆ်သြဝါဒတော်၌ လာရှိသည်မှာ ဖြစ်သည့်နည်းနှင့် မိမိသိက္ခာကို စောင့်စည်းခြင်းသည်
စွဒကဟ်အလှူဒါနမည်၏။
( ဒါရိကွသ်နီကျမ်း၊ ဟာကင်မ်ကျမ်း )
၂၅။ ဆင်းရဲနွမ်းပါသူများနှင့် အများဆုံး လက်ပွန်းတတီးနေထိုင်ပါ။ ဥစွာချမ်းသာကြွယ်ဝသူများနှင့်
ရောနှောနေထိုင်ခြင်းမှရှောင်ကြဉ်ပါ။ တမန်တော်မြတ်(ဆွ)က အလ္လာဟ်အရှင်မြတ်၏ထံတော်ပါးတွင်
အို..မွေးမြူဖန်ဆင်းတော်မူသောအရှင် ကျွန်တော်မျိုးအား အသက်ရှင်လျက် နေထိုင်သည့်ကာလနှင့်
ကွယ်လွန်သေဆုံးသည့် ကာလတို့တွင် ဆင်းရဲနွမ်းပါးသည့်အခြေအနေဖြင့် ထားတော်မှုပါ နောင်တမလွန်တွင် ရှင်ပြန်ထရမည့်အခါတွင်လည်း ဆင်းရဲနွမ်းပါးသူများထဲမှ ကျွန်တော်မျိုးအား ပြန်လည်ရှင်ပြန်ထစေတော်မှုပါ
ဟုဆုတောင်းတော်မှုခဲ့၏။
( အစ်ဗ်နု မာဂျဟ်ကျမ်း၊ ဟာကင်မ်ကျမ်း )
၂၆။ မိမိကသာသနာ့စကားရပ်တစ်ခုခု သာသနာ့အသိပညာတစ်ခုခု ပိုချပေးနိုင်မည့် ပုဂ္ဂိုလ်အနီးတွင် အတက်နိုင်ဆုံးထိုင်ပါ။
သို့မဟုတ် မိမိကသာသနာ့စကားရပ်တစ်ခုခု သာသနာ့ပညာတစ်ရပ်ရပ်ကို သင်ယူဆည်းပူနိုင်မည့်ပုဂ္ဂိုလ်အနီးတွင်ထိုင်ပါ။
ဆိုလိုသည်မှာ သာသနာ့အကျိုးကိုရှေးရှု၍ သာသနာကိုဖြန့်ဖြူသူ သို့မဟုတ် ဆည်းပူးသူအဖြစ် ရပ်တည်ပါ။
အလ္လာဟ်အရှင်မြတ်အား မေ့လျော့နေသူများနှင့် ဝေးဝေးနေပါ အကြောင်းမှာ တမန်တော်မြတ်(ဆွ)က
မကောင်းသော်မိတ်ဆွေ၊ မကောင်းသော်အပေါင်းအသင်းနှင့်အတူ နေထိုင်ခြင်းထက် တစ်ဦးချင်နေခြင်ကသာ၍မြတ်၏။
တစ်ဖန် တစ်ဦးတည်းနေထိုင်ခြင်းထက် မိတ်ဆွေကောင်း သူတော်ကောင်းနှင့် နေထိုင်ခြင်းက သာ၍မြတ်၏။
ဟု မိန့်တော်မူခဲ့၏။
( ဗိုင်ဟကီကျမ်း )
၂၇။ တမန်တော်မြတ်(ဆွ)သည် ဤသို့အမန့်ရှိခဲံသည် ရာစုများနက် အကောင်းဆုံးရာစုသည် ငါ၏ရာစု ၎င်းနောက်လာသော ရာစု၊ ၎င်းနောက် လာသောရာစု ဖြစ်သည်။
( ဗုခါရီကျမ်း )
၂၈။ ဟဇရသ်မုအာဇ် ဗင်န်ဂျဗလ်(ရသွ)သခင်ဆင့်ပြန်ခဲ့သည်မှာ တမန်တော်မြတ်(ဆွ)သည် သခင့်အား ယီမင်န်နိုင်ငံသို့
တရားသူကြီးခန့်အပ်စေလွှတ်ချိန်တွင် ကိုယ်တော်က သခင့်အားဤသို့ မေးမြန်းတော်မူခဲ့သည် အသင်သည်အဘယ်သို့
တရားစီရင်မည်နည်း သခင်က ကျမ်းတော်မြတ်ကုရ်အာန်ဖြင့်စီရင်မည်ဟုဖြေကြားသည်။
တမန်တော်မြတ်(ဆွ)က အကယ်၍ ကျမ်းတော်မြတ်ကုရ်အာန်တွင်မပါရှိခဲ့လျှင် ဟုမေးမြန်းတော်မူရာ
သခင်က ရစူလွလ္လာဟ်၏စွန္နသ်တော်ဖြင့် ဟုဖြေကြားတော်မူသည်။ ထိုအခါ တမန်တော်မြတ်(ဆွ)ကအကယ်၍ စွန္နသ်သေရစူလ်တွင်လည်း မတွေ့ရှိခဲ့လျှင် ဟုမေးမြန်းတော်မူရာ သခင်က ထိုအခါ ကျွန်တော်မျိုး၏တွေခေါ်ဆင်ခြင်မှုဖြင့်
အိဂျသိဟာဒ်ပြုစီရင်မည် ဤသည်တွင် တွန့်တိုခြင်းဖြစ်စေမည်မဟုတ် ဟုဖြေကြားသည်။
ထိုအခါ တမန်တော်မြတ်(ဆွ)က ဟဇရသ်မုအာဇ် ဗင်န်ဂျဗလ်(ရသွ)သခင်၏ ရင်ဘတ်ပေါ်တွင် လက်ဖြင့်ပုတ်ကာ
အလ္လာဟ်အရှင်မြတ်အား ရွှက်ရ်ပြုကျေးဇူးတင်၏။ ထိုအရှင်သခင်သည် အလ္လာရစူလ်၏သံတမန်ကို အလ္လာဟ့်ရစူလ်ကျေနပ်သည့်ကိစ္စ၏
အစွမ်းချီးမြှင့်တော်မူခဲ့သည်ဟု မိန့်ကြားတော်မူခဲ့၏။
( အဗူဒါဝူးဒ်-သိရ်မိဇီ-မွတ်စ်နဒေအဟ်မဒ် ကျမ်း )
၂၉။ ဟဇရသ် အဗူဟုရိုင်ရဟ်(ရဒွိယလ်လာဟုအန်ဟု)ဆင့်ပြန်ခဲ့သည်။ တမန်တော်မြတ်(ဆွ)အမိန့်ရှိတော်မူသည်။ ဒွန္နယာလောကသည်
မုအ်မင်န်များအဖို့ အကျဉ်းထောင်များသဖွယ်ဖြစ်၍ ကာဖစ်ရ်ငြင်းပယ်သူများအဖို့မူ ဂျန္နသ်သုခဘုံသဖွယ်ဖြစ်ပေသည်။
( မွတ်စ်လင်မ်ကျမ်း )
၃၀။ ဟဇရသ် အုဗာဒဟ်ဗင်န်ဆွာမိသ်(ရဒွိယလ်လာဟုအန်ဟု)က အမိန့်ရှိခဲ့သည် တမန်တော်မြတ်(ဆွ)အမိန့်ရှိတော်မူသည်။
အကြင်သူသည် ကျွန်ုပ်တို့၏ သက်ကြီးရွယ်အိုများအပေါ် ဂုဏ်ပေးလေးစားမှုမရှိ၊ ကျွန်ုပ်တို့၏ ငယ်ရွယ်သူးများအပေါ်တွင်လည်း
သနားကြင်နာမှုမရှိသည့်အပြင် ကျွန်ုပ်တို့၏ အာလင်မ် ပညာရှင်များ၏ ဟပ်က် တာဝန်ဝတ္တရားကို နားမလည်ခဲ့လျှင်
ထိုသူသည် ငါ၏အွမ္မသ်ထဲမှ မဟုတ်ချေ။
( တွဗ်ရာနီကျမ်း )
၃၁။ ဟဇရသ် အမ်ရ်ဗင်န်အောင်ဖ်(ရဒွိယလ်လာဟုအန်ဟု)က တမန်တော်မြတ်(ဆွ)၏ မိန့်ကြားချက်ကို ဤသို့ဆင့်ပြန်ခဲ့သည်။
ဒီးန်သာသနာတော်သည် အစပထမက သူစိမ်းတရံစာ ကဲ့သို့ရှိခဲ့၏။ မကြာမီကာလတွင်း မူလအစကကဲ့သို့ပင် သူစိမ်းပမာပြန်ဖြစ်သွားပေမည်။ သို့ရှိရာ အကြင်မွတ်စ်လင်မ်များတွက်မူ သတင်းကောင်းတစ်ရပ်ဖြစ်ပေသည် အကြင်သူတို့သည်။
ဒီးန်သာသနာအတွက်ကြောင့်ပင် သူစိမ်းကဲ့သို့ ထင်မှတ်ခြင်းခံရပေလိမ့်မည်။ ဤသူများသည် ငါတမန်တော်၏ ကျင့်စဉ်များကို
မှန်ကန်အောင် ပြုပြင်ပေးမည်ဖြစ်သည် ၎င်းကျင့်စဉ်ကျင့်ရပ်များအား ငါတမန်တော်မရှိသည့်နောက် လူအများက ဖျက်ဆီးပစ်ခဲ့ကြပြီးဖြစ်သည်။
( သစ်ရ်မေဇီကျမ်း )
၃၂။ ဟဇရသ် အနတ်စ်ဗင်န်မာလစ်က်(ရဒွိယလ်လာဟုအန်ဟု)က ဆင့်ပြန်ခဲ့သည် တမန်တော်မြတ်(ဆွ) အမိန့်ရှိတော်မူသည်။
လွယ်ကူမှုများကို ဖန်တီးပါ။ ခက်ခဲမှုကို မဖန်တီးကြပါနှင့်၊ လူအများအား နှစ်သိမ့်ကျေနပ်စေပါ. ရွံရှာမုန်းတီးမှုကို မဖြစ်ပေါ်ကြစေနှင့်။
( မွတ်စ်လင်မ်ကျမ်း )
၃၃။ ဟဇရသ် အဗ်ဒွလ္လာဟ်ဗင်န်အုမရ်(ရဒွိယလ်လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွ)သည် (အရေးကြီးသည့်
စကားဖြစ်သည့်အတွက်ကြောင့် အသေချာနားထောင်၍ ဂရုပြုစေရန် အလိုငှာ) ကျွန်ုပ်၏ ပခုံးအားကိုင်၍ အသင်သည် ဤလောက၌ ခရီးသည်တစ်ဦးပမာ သို့မဟုတ် ခရီးသွားတစ်ဦးပမာနေထိုင်လေကုန် ဟု အမိန့်ရှိတော်မူသည်။
( ဗုခါရီကျမ်း)
၃၄။ ဟဇရသ် အာအေရှဟ်(ရဒွိယလ်လာဟုအန်ဟာ)က ဆင့်ပြန်ခဲ့သည်။ တမန်တော်မြတ်(ဆွ)သည် ကျွန်မ၏ အိမ်တော်၌
ဤသို့ဒိုအားပြုခဲ့ပေသည် အို အလ္လာဟ်အရှင်မြတ်၊ မည်သူ့မဆို ကျွန်တော်မျိုး၏ အွမ္မသ်သားများအပေါ်၌ ( ဒွန္နယာ၊အာခိရသ်)
အရေးကိစ္စလုပ်ငန်းများထဲမှ မည်သည့်ကိစ္စများအတွက်ပင်ဖြစ်စေ၊ အမီရ်အဖြစ် ခန့်အပ်တာဝန်ပေးခြင်းခံရရာ ထိုသူသည်
လူအများအာ ကြပ်တည်းမှု ဒုက္ခပင်ပန်း ဆင်းရဲမှုများဖြစ်စေခဲ့လျှင် အရှင်မြတ်ကလည်း ထိုသူအား ဒုက္ခပင်ပန်းဆင်းရဲမှုများထဲ၌
ထားရှိတော်မူပါ။ ၎င်းနောက် အကြင်သူသည် ကျွန်တော်မျိုး၏ အွမ္မသ်များ၏ မည်သည့်အရေးကိစ္စနှင့် ပတ်သက်၍ အမီရ်အဖြစ်
ခန့်အပ်ခြင်းခံရရား ထိုသူသည် လူအများနှင့် ယုယကြင်နာစွာ ဆက်ဆံခဲ့လျှင်မူ အရှင်မြတ်ကလည်း ထိုသူအားယုယကြင်နာစွာဖြင့် ဆက်ဆံပေးသနာတော်မူပါ။
( မွတ်စ်လင်မ်ကျမ်း)
၃၅။ ဟဇရသ် အွမ္မေဟုစိုင်န်(ရဒွိယလ်လာဟုအန်ဟာ)သခင်မ ဆင့်ပြန်ခဲ့သည်။ တမန်တော်မြတ်(ဆွ)အမိန့်ရှိတော်မူသည်။ အကယ်၍ အသင်တို့အပေါ်၌ နှာခေါင်း၊ နားရွက်ပျက်၊ အသားမဲကျွန်ကိုပင် အမီရ်ခန့်အပ်ခဲ့ ထိူသူသည် အလ္လာဟ်(စွဗ်ဟာနဟူဝသအာလာ)၏ ကျမ်းတော်ဖြင့်
ဆိုလိုသည်မှာ အရှင်မြတ်၏ အမိန့်တော်တိုင်းသာ အုပ်ချုပ်စီမံခဲ့လျှင် အသင်တို့ ထိုသူ၏ အမိန့်ကို
နားထောင်ကြ၊ နာခံလိုက်ကြလော့၊၊
( မွတ်စ်လင်မ်ကျမ်း )
၃၆။ ဟဇရသ် အနတ်စ်ဗင်န်မာလစ်က်(ရဒွိယလ်လာဟုအန်ဟု)က ဆင့်ပြန်ခဲ့သည် တမန်တော်မြတ်(ဆွ)အမိန့်ရှိတော်မူသည်။
အမီရ်၏စကားကို နားထောင်ကြ၊ နာခံကျင့်သုံးကြလော့။ အကယ်၍ သင်တို့အပေါ်၌ ဟဗ်ရှီ(လူမဲ)ကျွန်ပင် အမီရ်ဖြစ်ပါစေ၊
ထိုသူ၏ ဦးခေါင်းသည် ပမာဆိုသော်(သေးငယ်ရာ၌ စပျစ်ခြောက်သီးကဲ့သို့ပင် ဖြစ်နေပါစေ။
( ဗုခါရီကျမ်း )
၃၇။ တစ်ဦးတစ်ယောက်အား အမွှေမ်းတင်လိုလျှင် ကျွန်ုပ်အထင်အရတော့ ခင်ဗျားဟာ ဒီအရည်အချင်းတွေနဲ့ ပြည့်စုံတဲ့သူပဲ ဟုပြောဆိုသင့်သည်။
( ဗုခါရီကျမ်း-မွတ်စ်လင်မ်ကျမ်း)
၃၈။ သင့်အနေနှင့် သင့်မိတ်ဆွေအား အမွှေမ်းတင်လိုက်ခြင်းမှာ ၎င်း၏လည်ဂုတ်ကို လှီးဖြတ်လိုက်ခြင်းဖြစ်သည်။
( ဗုခါရီကျမ်း-မွတ်စ်လင်မ်ကျမ်း)
၃၉။ အကြင် မွတ်စ်လင်မ်တစ်ဦးသည် မိမိက ဒေါသအလျောက် ပြောဆိုအရေးယူနိုင်သည် ဇနီး သား သမီး
လက်အောက်ငယ်သားများအပေါ် မိမိ၏ဒေါသကို ချုပ်တည်းကာ အရေးမယူအပြစ်မပေးဘဲနေပါက
အလ္လာဟ်အရှင်မြတ်သည် ၎င်း၏နှလုံးသားကို အီမန်ယုံကြည်မှုနှင့် ငြိမ်းချမ်းသာယာမှုတို့ဖြင့်
ဖြည့်ပေးသနားတော်မူ၏။
( သစ်ရ်မိဇီကျမ်း )
၄၀။ လူတို့သောက်သုံး၍ မျိုချသည့်အရာများနက် အလ္လာဟ်အရှင်မြတ် အနှစ်သက်ဆုံးသောအရာသည်
ဒေါသကို မျိုချခြင်းပင်ဖြစ်၏။
( အဗူဒါဝူးဒ်ကျမ်း-အဟ်မဒ်ကျမ်း )
မွတ်စလင်မ်တိုင်း ဟဒီးဆ်၏အရေးပါးမူကို ကောင်းစွာသဘောပေါက်ပြီး အရှိတရားကို အသိတရားနှင့်ပေါင်းစပ်၍ အမှန်တရားကိုလက်ခံကျင့်သုံးကာ မွတ်စလင်မ်ဘဝသရုပ်ကို ပီပြင်စွာထုဆစ်နိုင်ကြပါစေ။(အာမီးန်)
သာသနာ့ အသိတရားပြန့်ပွားစေရန် အဆင့်ဆင့်မျှယူမျှဝေဖြန့်ချိခြင်းဖြင့် ကုသိုလ်ရယူကြပါ။
ခင်မင်စွာဖြင့်.....
If you like this please Link Back to this article...
ဆက်ဖတ်ရန်>>>
