အစ္စလာမ်နှင့် ဝတ်စားဆင်ယင်မှု့ ဘာသာပြန် ဒုတိယပိုင်း

بسم الله الرحمن الرحيم

ယနေ့ခေတ်၏ ကောလဟာလ

ယနေ့ခေတ်တွင် ဤစကားအားလည်း များစွာကြားနေရပြန်၏။ "အပေါ်ယံ အကျီက ဘာလုပ်မှာလဲကွာ... နှလုံးသား ဖြူဖို့ပဲ အရေးကြီးတာပါ။ ငါတို့ နှလုံးသားဖြူတယ်။ ငါတို့နီယသ်ကောင်းတယ်။ မြင့်မြတ်တော်မူသော အရှင်မြတ်နဲ့လည်း ငါတို့ အဆက်သွယ်ထားတယ်။ ငါတို့ လုပ်ရပ်အားလုံး ပုံမှန်ပဲလေ... အားလုံးကောင်းနေတာပဲ...။ အကယ်လို့ အဝတ်အစားလေး ပြောင်းပြီး တခြားဝတ်လိုက်ရင် ဘာဖြစ်သွားမှာမို့လို့လဲ။ ဘာလို့လဲဆိုတော့ အစ္စလာမ်က အပေါ်ယံ ပြုမှုကျင့်ကြံမှု့ရဲ့ နာမည်မဟုတ်ဖူး။ အတွင်းပိုင်ဆိုင်ရာ၊ နာမ်ပိုင်းဆိုင်ရာရဲ့ အမည်နာမတစ်ခုဖြစ်တယ်။ အစ္စလာမ်က ခန္ဓာကိုယ်ရဲ့ နာမည်မဟုတ်ဖူး။ နှလုံးသားဝိဥာဏ်ရဲ့ နာမည်ဖြစ်တယ်။ ရှရီအသ်ကို အတွင်းကျကျမြင်တတ်ဖို့လိုတယ်ကွာ။ နားလည်တတ်ဖို့လိုတယ်။" ဤကဲ့သို့သော စကားများသည် လွန်စွာပျံ့နှံ့လျှက်ရှိခဲ့ပြီး ဆက်လက်တွင်ကျယ်နေဆဲပင်။ ထိုသို့ပြောခြင်းအား ဖက်ရှင်တစ်ခုအသွင် ဖန်တီးခဲ့ကြပြီး ဖြစ်ပေသည်။

အတွင်းနှင့်အပြင်

ကောင်းစွာ မှတ်သားပါလေ။ သာသနာ့အမိန့်များသည် နာမ်နှင့်ဆိုင်သကဲ့သို့ ရုပ်နှင့်လည်းဆိုင်ပေသည်။ အတွင်းနှင့်သက်ဆိုင်သကဲ့သို့ အပြင်နှင့်လည်း ဆိုင်ပေသည်။ ကုရ်အာန်ကျမ်းတော်မြတ်တွင် မြင့်မြတ်တေ်ာမူသော အလ္လာဟ်အရှင်မြတ် အမိန့်ရှိထားသည်မှာ- အသင်တို့သည် အပေါ်ယံအပြစ်ဂိုနဟ်များကိုလည်းကောင်း၊ အတွင်းပိုင်းအပြစ်ဂိုနဟ်များကိုလည်းကောင်း ရှောင်ကျဉ်ကြလေကုန်။ (တနည်း) ရုပ်နာမ်နှစ်ခုလုံး၏ အပြစ်တို့အား ရှောင်ကျဉ်ကြလေကုန်။ အတွင်းပိုင်း(နာမ်ပိုင်းဆိုင်ရာ) အကုသိုလ်တို့ကို သာလျှင် ရှောင်ရှားဟူ၍ မိန့်တော်မမူထားပေ။ ကောင်းစွာ မှတ်သားပါလေ။ အပြင်ပိုင်း အပေါ်ယံအားဖြင့် ပျက်စီးနေသောအခါ ရှိုင်သွာန်မိစ္ဆာသည် အတွင်းပိုင်းကောင်းနေပါသေးသည်ဟု ထင်ယောင်ထင်မှား ဖြစ်စေကာ လှည့်စား၏။ အဘယ်ကြောင့်ဆိုသော် အတွင်းမကောင်းမှသာ အပြင်ပိုင်းပျက်စီးမှု့ဖြစ်လေသည်။ အကယ်၍ အတွင်းပိုင်းကောင်းမွန်နေလျှင် အပြင်ပိုင်း ပျက်စီးရန်အကြောင်းမရှိပေ။

ဥပမာတစ်ခု...

ကျွန်ုပ်တို့၏ သူတော်စင်အကြီးအကဲတစ်ပါး ဥပမာတစ်ခု ပေးလေ့ရှိသည်။ သစ်သီးတစ်လုံး၏အတွင်းပိုင်း ပုပ်နေသောအခါ ထိုပုပ်ပွမှု့၏ နမိတ်လက္ခဏာသည် အမဲစက်အဖြစ် အခွံတွင်မြင်ရပေသည်။ အကယ်၍ အသီး၏အတွင်းပိုင်း မပုပ်နေပါက အခွံတွင် မည်သည့်ပြစ်ချက်မှ တွေ့မြင်ရမည်မဟုတ်ပေ။ အခွံတွင် ပြစ်ချက်တွေ့နေရခြင်းမှာ အတွင်းမကောင်းမှု့ကြောင့်ပင်ဖြစ်၏။ ထိုနည်းတူစွာ လူတစ်ယောက်၏ အပေါ်ယံ ပြစ်ချက်တစ်စုံတစ်ရာ တွေ့မြင်နေရခြင်းမှာ အတွင်းပိုင်းပျက်စီးမှု့တစ်ခုခုကြောင့်ပင်ဖြစ်ပေသည်။ သို့မဟုတ်ပါက အပြင်ပိုင်း ပျက်စီးရန်လု့းဝ အကြောင်းမရှိပေ။  

အပေါ်ယံ(လှပတင့်တယ်မှု့)သည် လောကီလုပ်ငန်းများတွင်လည်း အရေးပါ၏။

လောကီလုပ်ငန်းများတွင်မူ အတွင်းအပြင်(လှပတင့်တယ်မှု့)အား အရေးပေးကြသည်။ (ဝမ်းနည်းဖွယ်ကောင်းသည်မှာ) သာသနာ့လုပ်ငန်းများတွင်မူ "ငါတော့ အတွင်းပဲ လိုချင်တ်ယ။ အပြင်မလိုချင်ဖူး"ဟု ပြောဆိုနေကြသည်။ ဥပမာတစ်ခုအား ရှု့စားပါလေ။ မြေပထဝီတွင် အသင်အိမ်တစ်လုံးဆောက်သည်ဆိုပါစို့။ အိမ်၏ အတွင်းပိုင်း(အရေးကြီးအချက်ချာကျသောအရာ)မှာ လေးဘက်နံရံနှင့် အပေါ်မှအမိုးသာဖြစ်၏။ ၎င်းတို့အား ပြုလိုက်ပြီးသွားပါက ပြည့်စုံသွားမည်ဖြစ်ရာ ပလာစတာကိုင်ခြင်း၊ ဆေးသုတ်ခြင်း စသည်တို့အား အဘယ်ကြောင့် ပြုလုပ်ကြပါသနည်း။ ပလာစတာကိုင်ခြင်း၊ ဆေးသုတ်ခြင်းနှင့်ပင် မတင်းတိမ်နိုင်ပဲ အလှအပ ပစ္စည်းများဖြင့် ခြယ်သနေကြသည်မှာ အဘယ်ကြောင့်နည်း။ ဤနေရာတွင်မူ (အမိုးနှင့်နံရံလေးဘက်သာ)အရေးကြီးသည်ဟု မသတ်မှတ်၊ မမှတ်ယူကြ။

(နောက်ဥပမာတစ်ခုအား ဆက်လက်ရှု့စားကြည့်ပါလေ။) ကားတစ်စီးတွင် အတွင်းပိုင်းနှင့် အပြင်ပိုင်းဟူ၍ ရှိသည်။ ကား၏ အတွင်းပိုင်းအတွက် အင်ဂျင်အထိုင်တွင် အင်ဂျင်တပ်ဆင်လိုက်ပါက ပြည့်စုံသွားမည်။ အင်ဂျင်တပ်ဆင်ပြီးနောက် စီးနှင်းရန်အသင့်ဖြစ်သွားပြီဖြစ်သည်။ သို့ဖြစ်လျှင် ဘောဒီအဘယ်ကြောင့်လိုအပ်နေရပါသနည်း။ အရောင်အဘယ်ကြောင့်လိုအပ်နေရပါသနည်း။ ယနေ့တိုင် မည်သူတစ်ဦးကမျှ ဤနေရာတွင် ကား၏အတွင်းပိုင်းအား ပိုင်ဆိုင်ပြီဖြစ်သောကြောင့် အပြင်ပိုင်းမလိုတော့ဟူ၍ မပြောဆိုခဲ့ပေ။ ဤနေရာတွင် အတွင်းအပြင်နှစ်ခုလုံးအား လိုလားကြ၏။ သနားစဖွယ် သာသနာသာလျှင် မွဲတေခြူခြာနေရရှာသည်။ သာသနာ့လုပ်ငန်းများတွင် အတွင်းပိုင်းကိုသာ လိုလား၍ အပြင်ပိုင်းကို မလိုလားဟု ဆိုနေကြသည်။

ရှိုင်သွာန်၏လှည့်စားမှု့

မှတ်သားထားကြပါလေ။ ဤသည် ရှိုင်သွာန်မိစ္ဆာကောင်၏ လှည့်စားမှု့၊ ဖြားယောင်းမှု့တစ်ခုသာဖြစ်ပေသည်။ ထို့ကြောင့် အတွင်း၊အပြင် (နှစ်ခုလုံး) ပြုပြင်ရန် အရေးကြီးသည်။ ဝတ်စားဆင်ယင်မှု့တွင်ဖြစ်စေ၊ လူမှု့ဆက်ဆံရေးတွင်ဖြစ်စေ အားလုံးသည် အပေါ်ယံနှင့် သက်ဆိုင်သော်လည်း အတွင်းသို့ သက်ရောက်မှု့ဖြစ်စေသည်။ သို့ဖြစ်ရာ အဝတ်အစားအား သေးဖွဲသည့်အ၇ာဟု သတ်မှတ်ကာ မျက်ကွယ်မပြုသင့်ပေ။ တစ်စုံတစ်ယောက်သည် အထက်ဖော်ပြပါ (အတွင်းသာလိုတယ် အပြင်က အဓိကမဟုတ် ဟူသော) စကားကဲ့သို့ ပြောဆိုနေပါလျှင် ထိုသူသည် သာသနာနှင့် ပတ်သတ်၍ စစ်မှန်သောအသိ မရရှိထားသူသာဖြစ်ပေသည်။ အကယ်၍ (ဝတ်စားဆင်ယင်မှု့သည် အရေးမကြီးပါက) မြတ်နဗီ(ဆွ)သည် အဝတ်အစားနှင့် ပတ်သတ်၍ တစ်စုံတစ်ရာ မိန့်ခြွေမည်မဟုတ်ပေ။ တစ်စုံတစ်ရာ သင်ကြား၊ မှာတမ်းခဲ့မည်လည်း မဟုတ်ပေ။ သို့သော် မြတ်နဗီ(ဆွ)သည် လူတို့ အမှားအယွင်းများဖြစ်မည်ဟု ဆိုးရိမ်ရသော နေရာများနျင့် ပတ်သတ်၍ ဝတ်စားဆင်ယင်မှု့ဆိုင်ရာ အမိန့်များကိုလည်းကောင်း၊ ဆိုဆုံးမမှု့များကိုလည်းကောင်း သင်ကြား၊ပြဌာန်းခဲ့လေသည်။ သို့ဖြစ်ရာ ထိုပြဌာန်းချက်များနှင့် သင်ကြားပြသမှု့များအား ကောင်းစွာမှတ်သား(လိုက်နာ)ရန် အရေးကြီးပေသည်။

တတိယပိုင်းအား ဤနေရာတွင် ဖတ်နိုင်ပါသည်။

ဘရှီးလေး(မေမြို့) ဘရှီးလေး

If you like this please Link Back to this article...

<a href="http://burmesemuslims.blogspot.com/2012/11/blog-post_2779.html">အစ္စလာမ်နှင့် ဝတ်စားဆင်ယင်မှု့ ဘာသာပြန် ဒုတိယပိုင်း</a>

ဆက်ဖတ်ရန်>>>

အစ္စလာမ်နှင့် ဝတ်စားဆင်ယင်မှု့ (ဘာသာပြန် ပထမပိုင်း)

بسم الله الرحمن الرحيم

မြင့်မြတ်တော်မူသော အရှင်မြတ်အား များစွာ ကျေးဇူးတင်မိပါသည်။ ထိုအရှင်သည် စာရေးသူအားများစွာသော စည်းစိမ်တော်များ ချီးမြှင့်တော်မူပြီး၊ ယနေ့တိုင် သာသနာ့လုပ်ငန်းများတွင် ရေတမုတ်၊သဲတပွင့်ပုံစံဖြင့် အလုပ်ယူနေတော်မူသည်။ ထပ်ဆင့်၍ ကျေးဇူး တင်မိသည်မှာ စာရေးသူသည် ဂျာမေအဟ်ဖာရိုကီယာ (ကရာချီ၊ပါကစ္စတန်)တွင် Specialize လုပ်နေသောကျောင်းသားတစ်ဦးဖြစ်ရာ စာရေးသားရန်၊ ဘာသာပြန်ရန်၊ ဝဘ်ဆိုက်တွင် အချိန်ပေးရန် လွန်စွာအခက်ခဲရှိနေ၏။ သို့သော် ထိုအရှင်၏ ချီးမြှင့်မှု့ကား အံ့မခန်းပင်။ မအားလပ်သည့်အချိန်များမှ စာရေးသားရန်အချိန်ကို ချီးမြှင့်တော်မူခဲ့သည်။
ဒုတိယအနေနှင့် စာရေးသူ၏ ပထမဆုံးသော ဆရာများအား အထူးကျေးဇူးးတင်ရင်း စာအုပ်ငယ်ဖြင့် ထပ်မံဂုဏ်ပြုပါသည်။ မိခင်ရင်ခွင် ထက် နွေးထွေးမှု့ပေးခဲ့သော ဂျာမိအသွလ်ကောင်စရ် အလ်အစ္စလာမိယဟ် (မြစ်ငယ်ကျောင်း)၏ ပြုစုပျိုးထောင်မှု့ကောင်းမွန်ခြင်းကြောင့် သာ စာရေးသူ၏  အသီးအပွင့်များအား စာရှု့သူတို့ မြင်တွေ့နေရခြင်းဖြစ်ပေသည်။ သို့မဟုတ်ပါက စာရေးသူသည် ပေသုံးထောင့်ငါးရာ ခန့်မြင့်သော မေမြို့ တောင်ပေါ်တွင် လူမသိ၊လိပ်စာမဲ့စွာဖြင့် ရှိနေမည်မှာ အမှန်ပင်။ ယခုကဲ့သို့ ဘာသာပြန်နိုင်ရန်ဝေးစွ။ စက်ချုပ် လုပ်ငန်းအား လုပ်ကိုင်ရင်း ဘာသာရေးလုပ်ငန်းများနှင့်ဝေးကွာစွာ ရှိနေမည်သာ။

စာရှု့သူတို့ရှေ့ဝယ်တွင် ရောက်နေသော ဘာသာပြန်မှာ မွဖ်သီသကီးဆားဗ် ဟောကြားထားသော တရားဓမ္မများအနက် ကဏ္ဍတစ်ခု၏ အပိုင်းတစ်ပိုင်းဖြစ်ပေသည်။ ဤဘာသာပြန်၏ အမည်အား အစ္စလာမ်နှင့် ဝတ်စားဆင်ယင်မှု့ ဟုအမည်ပေးထားပြီး ခေါင်းစဉ်ငယ်လေးများ ခွဲ၍ ဘာသာပြန် ရေးသားထားပါသည်။ အဓိကအားဖြင့် ဤစာအုပ်ငယ်တွင် ဝတ်စားဆင်ယင်မှု့နှင့် ပတ်သတ်၍ လွဲမှားနေသော အယူအဆများအား ချေပခြင်း၊ အတွေးမြင်မှန်ကို တင်ပြခြင်းနှင့် ဆရာသခင်၏ ရင့်ကျက်လှသော အတွေ့အကြုံ၊ ပြည့်ဝလှသော အရည်အချင်းများသာ တွေ့ရမည်ဖြစ်သည်။ ထို့အတူ ဝတ်စားဆင်ယင်မှု့၏ ရည်ရွယ်ချက်အား တိကျရှင်းလင်းစွာ ဖော်ပြထားသည် ကိုလည်း တွေ့မြင်ကြရမည်ဖြစ်သည်။

စာရေးသူအဖို့ ဤဟောကြားမှု့သည် လွန်စွာအကျိုးဖြစ်ထွန်းစေခဲ့ပြီး ပြောင်းလဲမှု့များစွာ ဖြစ်စေခဲ့သည်။ ထို့ကြောင့် www.mmolama.org ၏ ဝိုင်းတော်သားများနှင့် စာဖတ်သူများအား အကျိုးဖြစ်ထွန်းလိမ့်မည်ဟု မျှော်ကိုးကာ ဘာသာပြန် တင်ဆက်လိုက်ရခြင်းဖြစ်ပါသည်။ ဤဟောကြားမှု့၏ ဘာသာပြန် မြန်မာပြည်တွင် ရှိမရှိ စာရေးသူမသိပါ။ ထွက်ရှိပြီး ဖြစ်ပါကလည်း စာရေးသူသည် ထိုစာအုပ်အား ကော်ပီလုပ်ခြင်း အလျင်းမဟုတ်ကြောင်း အသိပေးလိုပါသည်။ ထို့အတူ စာရေးသူ၏ ဘာသာပြန်များ၊ ကိုယ်ပိုင်ဆောင်းပါးများအား မည်သည့်နေရာတွင်မဆို မည်သည့်ပုံစံနှင့်ဖြစ်စေ မူရင်းမပျက် (စီးပွားရှာခြင်းမဟုတ်ပဲ) မျှဝေလိုပါက ခွင့်ပြုထားပြီးဖြစ်ကြောင်း ထပ်မံအသိပေးရင်း ဘာသာပြန်မှု့အား စတင်လိုက်ပါသည်။
မြင့်မြတ်တော်မူသော အလ္လာဟ်အရှင်မြတ် ဤဘာသာပြန်စာအုပ်ငယ်အား မူရင်းဟောကြားမှု့အတိုင်း အကျိုးဖြစ်တော်မူပါစေ။ ဤသေးငယ်သော ခေသ်မသ်အား အကြောင်းခံ၍ စာရေးသူနှင့် မိဘများ၊ ဆွေမျိုးသားချင်းများအား ဂျန္နသ်သုခဘုံချီးမြှင့်တော်မူပါစေ။ (အာမီးန်)

စကားဦး

အစ္စလာမ်သာသနာ၏ ဆုံးမပဲ့ပြင်၊သင်ကြားမှု့များသည် ရှင်သန်မှု့သက်တမ်း၏ ကဏ္ဍအသီးသီးအား ခြုံငုံမိကြောင်းတင်ပြပြီးဖြစ်သည်။ အစ္စလာမ် သာသနာသည် ကျွန်ုပ်တို့၏ သွားလာနေထိုင်မှု့၊ တစ်ဦးနှင့်တစ်ဦးပေါင်းသင်းဆက်ဆံမှု့တို့၏ အစိတ်ပိုင်းတိုင်းနှင့် ချိတ်ဆက်လျှက်ရှိနေသည်။ ဘဝသက်တမ်း၏ အစိတ်အပိုင်းတစ်ခုမှပင် အစ္စလာမ့်ဆိုဆုံးမမှု့နှင့် လွတ်ကင်းသည်ဟူ၍မရှိပေ။ ဝတ်စားဆင်ယင်မှု့သည် လူ့ဘဝသက်တမ်း၏ အစိတ်အပိုင်းများအနက် အရေးကြီးသော အစိတ်အပိုင်းတစ်ခုဖြစ်၏။ ထို့ကြောင့် ကုရ်အာန်တွင်လည်းကောင်း၊ စွန္နသ်(ဟဒီးဆ်)များတွင်လည်းကောင်း ဝတ်စားဆင်ယင်မှု့အား အကျယ်တဝန့် ရှင်းလင်းပြသ ထားခြင်းဖြစ်ပေသည်။

ရေပန်းစားနေသော စကားတခွန်း

ယနေ့ခေတ်တွင် "ဝတ်စားဆင်ယင်မှု့ဆိုတာ လူတစ်စု၊ ဒေသတစ်ခုနဲ့ ဆိုင်တာပါကွာ" ဟု ဟိုးလေးတကျော်ဖြစ်နေသည်။ ထို့ကြောင့် အကယ်၍ လူတစ်ယောက်သည် မိမိစိတ်ကြိုက်၊ မိမိပတ်ဝန်းကျင်နှင့် လျော်ညီစွာ အဝတ်အစားတစ်ခုအား ရွေးချယ်ပါက ထိုသူနှင့် ပတ်သတ်၍ ရှရီအသ်၏ အမိန့်များယူလာပြခြင်း၊ ပြောပြခြင်းသည် အမြင်မကျယ်ရာရောက်ရ၏။ "မော်လဝီဆားဗ်တွေက စည်းကမ်းတွေ ထုတ်နေပါကွာ... တကယ်ဆို သာသနာက လွယ်လွယ်လေးပဲ။ အလ္လာဟ်နဲ့ မြတ်နဗီက သာသနာနဲ့ ပတ်သတ်ပြီး ဒီလောက် စည်းကမ်းတွေမချမှတ်ခဲ့ဖူး။ မော်လဝီတွေက အိပ်စိုက် သတ်မှတ်ချက်တွေ ပြဌာန်းနေတာ။ ဒါ မော်လဝီဆားဗ်တွေ အမြင်ကျဉ်းမှု့ရဲ့ သက်သေတစ်ခုပဲ။ ဒီအမြင်ကျဉ်းမှု့ရဲ့ ရလဒ်မှာ သူတို့ကိုယ်တိုင်လည်း အလုပ်တော်တော်များများကို မလုပ်နိုင်ဖူး။ အခြားသူတွေကိုလည်း မလုပ်ခိုင်းကြဖူး။ " ဟူ၍ ပြောဆိုနေကြသည်ကိုလည်း ခဏတိုင်း ကြားနေရပြန်သည်။

ဝတ်စားဆင်ယင်မှု့၏ Effect

ကောင်းစွာမှတ်သားထားပါလေ။ ဝတ်စားဆင်ယင်မှု့သည် စိတ်ကြိုက်ဝတ်ဆင်ခွင့်ရလောက်အောင် လွန်စွာ ရိုးရှင်း၊လွယ်ကူလှသော ကိစ္စမဟုတ်ပေ။ မိမိစိတ်ကြိုက်ဝတ်ဆင်ခြင်းဖြင့် ထိုသူ၏ သာသနာတွင်လည်းကောင်း၊ ကိုယ်ကျင့်တရားလည်းကောင်း၊ ဘဝသက်တမ်းတွင်လည်းကောင်း၊ ပြုမူကျင့်ကြံမှု့ပိုင်းတွင်လည်းကောင်း တစ်စုံတစ်ရာ မသက်ရောက်၊ မစွန်းထင်းပါဟု မဆိုနိုင်ပေ။ ရှရီအသ်တရားတော်တွင် အမြဲဖော်ပြသတိပေးရှိသော အချက်တစ်ချက်ရှိပေသည်။ လူတိုင်းလက်ခံရုံတင်မက စိတ်ပညာရှင်များ သိပ္ပံပညာရှင်ပင်လျင် လက်ခံလိုက်ကြပြီးဖြစ်၏။ ထိုအချက်မှာကား- လူတစ်ယောက်၏ အဝတ်အစားသည် ၎င်း၏ရှင်သန်နေထိုင်မှု့၊ ကိုယ်ကျင့်တရားနှင့် လုပ်ရပ်များအပေါ် သက်ရောက်မှု့တစ်ခု ဖြစ်ပေါ်စေသည်။ အဝတ်အစားသည် လူသားတစ်ဦး ဝတ်ဆင်ရုံ သက်သက်အတွက် မဟုတ်ပေ။ အမှန်စင်စစ် အဝတ်အစားသည် လူသား၏ စဉ်းစားဆင်ခြင်မှု့၊ အတွေးအခေါ်နှင့် ၎င်း၏အယူဝါဒတို့အား သက်ဝင်လှုပ်ရှားစေသည်။ ထို့ကြောင့် ဤအဝတ်အစားနှင့် ပတ်သတ်၍ စာမဖွဲ့လောက်ပါဟု မမှတ်ယူသင့်ပေ။

ဟဇရသ်အုမရ်နှင့်ဂျွဗ်ဗဟ်တစ်ထည်အကြောင်း

ဟဇရသ်အုမရ်သခင်ကြီးနှင့် ပတ်သတ်၍ ဆင့်ဆိုချက်တစ်ခုလာရှိ၏။ တစ်ကြိမ်သောအခါ ဟဇရသ်အုမရ်သည် လွန်စွာကောင်းမွန် လှပသော ဂျွဗ်ဗဟ်တစ်ထည်အား ဝတ်ဆင်လျှက် မတ်စ်ဂျိဒိနဗဝီ၌ ခွသ်ွဗဟ်ပေးရန် ကြွမြန်းတော်မူခဲ့သည်။ ခွသ်ွဗဟ်ပြီးသောအခါ အိမ်ပြန်၍ ထိုဂျွဗ်ဗဟ်အား ချွတ်တော်မူပြီး နောင်တွင် ကျွန်ုပ်အုမရ်သည် ဤဂျွဗ်ဗဟ်အား လုံးဝဝတ်ဆင်တော့မည်မဟုတ်။ ဤဂျွဗ်ဗဟ်အား ဝတ်ဆင်ခြင်းဖြင့် ကျွန်ုပ်၏နှလုံးသားတွင် မိမိကိုယ်မိမိအထင်ကြီးမှု့ ဖြစ်ပေါ်လာကြောင်း ခံစားရသည် ဟု အမိန့်ရှိခဲ့လေသည်။ အမှန်ဆိုလျှင် ထိုသို့သော ဂျွဗ်ဗဟ်ဝတ်ဆင်ခြင်းသည် ဟရာမ်မဟုတ်ပေ။ သို့သော် မြင့်မြတ်တော်မူသော အရှင်မြတ်သည် အချို့ပုဂ္ဂိုလ် များ၏ နှလုံးသားများအား မှန်ကဲ့သို့ ကြည်လင်တောက်ပြောင်စွာ ပြုပေးထား၏။ သေးငယ်သော အချင်းအရာများပင်လျှင် ၎င်းတို့အတွက် မကောင်းသောအရာများ ဖြစ်သွားလေသည်။

ဥပမာတစ်ခုအား ရှု့စားပါလေ။ စွန်းပေနေသော အဝတ်တစ်ခု။ ထိုအဝတ်၏ နေရာတိုင်းတွင် အစွန်းအထင်း၊ အစက်အပျောက်များရှိနေ၏။ ထိုသို့သော အဝတ်အပေါ် အစွန်းထင်းတစ်ခု ထပ်စွန်းသွားသည်ဆိုပါက စွန်းပေမှု့ပေါ်လွင်မည်မဟုတ်ပေ။ ကျွန်ုပ်တို့၏ အခြေအနေမှာလည်း ထိုကဲ့သို့ပင်။ နှလုံးသားတွင် အစွန်းအထင်း၊ အစက်အပျောက်များစွာဖြင့် ပြည့်နှက်နေ၏။ ထို့ကြောင့် ရှရီအသ်နှင့်ဆန့်ကျင်သော ကိစ္စတစ်ခုဖြစ်ပေါ်လာလျှင် ထိုဆန့်ကျင်မှု့၏ အမှောင်၊ ထိုဆန့်ကျင်မှု့၏ ရလဒ်ဆိုးအား မခံစားရတော့ပေ။ သို့သော် မြင့်မြတ်တော်မူသော အရှင်မြတ်သည် အချို့ပုဂ္ဂိုလ်မွန်များ၏ နှလုံးသားများအား မှန်ကဲ့သို့ကြည်လင်စေတော်မူထား၏။ ၎င်းတို့၏ ဥပမာမှာကား... ဖြူဖွေး၍ တောက်ပြောင်နေသောအဝတ်တစ်ခုအား သေးငယ်သော အစွန်းအထင်းတစ်ခု ဖြစ်ပေါ်ခြင်းနှင့် တူလှပေသည်။ သေးငယ်သော အစွန်းဖြစ်သော်လည်း ကွက်ကွက်ကွင်းကွင်း မြင်တွေ့နေရမည်သာဖြစ်၏။

ထို့အတူ မြင့်မြတ်တော်မူသောအလ္လာဟ်အရှင်မြတ်၏ ဝလီသူတော်စင်များ၏ နှလုံးသားများသည်လည်း ကြည်လင် ဝင်းလက်နေရာ သေးငယ်သောကိစ္စများ ဖြစ်လင့်ကစား ၎င်းတို့အဖို့ ခွင့်မလွှတ်နိုင်သော ကိစ္စများဖြစ်သွားလေသည်။ ဟဇရသ်အုမရ် သခင်၏ အထက်အဖော်ပြပါ အကြောင်းအရာအား ထောက်ရှု့ခြင်းဖြင့် သိရသည်မှာ- အဝတ်အစားသည် လူသား၏ ကိုယ်ကျင့်တရား၊ စာရိတ္တနှင့် ရှင်သန်နေထိုင်မှု့အပေါ်တွင်လည်း သက်ရောက်မှု့တစ်ခု ဖြစ်ပေါ်စေသည်။ ထို့ကြောင့် အဝတ်အစားအား သာမန်မှတ်ယူ၍ မျက်ကွယ်မပြုသင့်ပေ။ ထို့အတူ အဝတ်အစားနှင့် ပတ်သတ်၍ တရားမြတ်၏ သတ်မှတ်ပြဌာန်းချက်များအား နားလည်သဘောပေါက်ပြီး လိုက်နာရန် လွန်စွာအရေးကြီးပေသည်။

ဘရှီးလေး(မေမြို့)

ဒုတိယပိုင်းအား ဖတ်ရှု့လိုပါက....ဘရှီးလေး

If you like this please Link Back to this article...

<a href="http://burmesemuslims.blogspot.com/2012/11/blog-post_15.html">အစ္စလာမ်နှင့် ဝတ်စားဆင်ယင်မှု့ (ဘာသာပြန် ပထမပိုင်း)</a>

ဆက်ဖတ်ရန်>>>

မြန်မာပြည်တွင် ကုရ်ဘာနီနှင့်စပ်လျဉ်း၍ကြေညာချက်

ဟစ်ဂျရီသက္ကရာဇ် (၁၄၃၃) ခုနှစ်အတွက်
ကုရ်ဘာနီ၏ မတ်စ်အလာကြေညာချက်

၂၀၁၂ ခုနှစ် အောက်တိုဘာလ (၂၃) ရက်

ကြည်ညိုလေးစားအပ်သော အစ္စလာမ်ဘာသာဝင် မုစ်လင်မ်အပေါင်းတို့ခင်ဗျာ .....


အစ္စလာမုအလိုင်းကွန်းမ် ၀ရဟ်မသုလ္လာဟ် ၀ဗရကာသုဟ်

ပြည်ထောင်စု သမ္မတ မြန်မာနိုင်ငံတော်၊ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ယခုနှစ်အတွက် ကုရ်ဘာနီ မပြုလုပ်တော့ရန် ယနေ့ ကြေညာဆုံးဖြတ်ခဲ့ပါသည်။ မြန်မာနိုင်ငံတွင် လက်ရှိဖြစ်ပေါ်နေသော အခြေ အနေအရပ်ရပ်ကို ထောက်ရှုပြီး မဖြစ်မနေ ဆုံးဖြတ်ခဲ့ရခြင်း ဖြစ်ပါသည်။ ဤဆုံးဖြတ်ချက်နှင့်ပတ်သက်၍ သက်ဆိုင်ရာ ရှရီအတ်အစ္စလာမ့်တရားဥပဒေ၏ မတ်စ်အလာနည်းဥပဒေများကို မုစ်လင်မ်အပေါင်း သိရှိနားလည် သဘော ပေါက်နိုင်စေရန် အလွန် အရေးကြီးပါသည်။ အောက်ပါအချက်အလက်တို့မှာ ယခုနှစ် ကုရ်ဘာနီမတ်စ်အာလာများကို မုစ်လင်မ်များအနေနှင့် အရေးတကြီး လိုက်နာရမည့် အစ္စလာမ့်တရားဥပဒေ၏ ဓမ္မသတ်ဆုံးဖြတ်ချက်များ ဖြစ်ပါသည်။

၁. ယခုနှစ်အတွက် ကုရ်ဘာနီသားကောင်ဝယ်ပြီးသူများသည် ကုရ်ဘာနီရက် ၂၀၁၂ ခုနှစ်၊ အောက်တိုဘာလ၊ ၂၇/၂၈/၂၉ ရက်များ ကုန်ဆုံးပြီးသည့်နောက် မိမိ၏သားကောင်ကို အကောင်လိုက်ဖြစ်စေ၊ ရောင်းချပြီး နောက်ဖြစ်စေ၊ ရရှိသောငွေကို ဆင်းရဲသား ဇကာတ်စားထိုက်သူများ (၀ါ) အစ္စလာမ့်သာသနာရေးရာ စာသင်ကျောင်းများ၊ တက္ကသိုလ်များ၊ ကောလိပ်များသို့ ဆွဒ်ကဟ်အဖြစ် ပေးကမ်းလှူဒါန်းလိုက်ရမည်။ မိမိဘက်မှ လှူဒါန်းပေးကမ်းလိုက်သည့် ကုရ်ဘာနီသားကောင်၏ အသားကို မိမိကိုယ်တိုင် စားသုံးခြင်း မပြုရ။

၂. ယခုနှစ်အတွက် ကုရ်ဘာနီပြုလုပ်ရန် နိယသ်ပြုထားသူများအနေနှင့်လည်း မိမိတို့၏နိယသ်ပြုထားသည့် ငွေကြေးပမာဏကို ဆင်းရဲသားဇကာသ်စားထိုက်သူများသို့ ကုရ်ဘာနီရက်ကုန်ဆုံးပြီးနောက် ဆွဒ်ကဟ် အလှူဒါနအဖြစ် ပေးကမ်းလှူဒါန်းကြရမည်။

၃. အစ္စလာမ်ဘာသာရေးအဖွဲ့ကြီး၏ ယခု ဆုံးဖြတ်ကြေညာချက်ကို လိုက်နာရန်မှာ စစ်မှန်သော မုစ်လင်မ် တိုင်းအပေါ်ဝယ် ၀ါဂျစ်ဗ် မလုပ်မနေရ တာဝန်ဖြစ်သည်။ ဆုံးဖြတ်ကြေညာချက်ကို လိုက်နာခြင်းမပြုသူ၊ လိုက်နာဆောင်ရွက်ရန်အတွက် ကန့်ကွက်ဆန့်ကျင်သူများသည် အစ္စလာမ်ဘာသာဝင် မုစ်လင်မ်လူထု၏ ညီညွတ်ရေးကို ဖြိုခွဲသူများ၊ အစ္စလာမ်ဘာသာဝင် မုစ်လင်မ်များကို အားအင်ချိနဲ့အောင်ပြုသူများဖြစ်သဖြင့် ကြီးလေးသော အပြစ်ဂိုနဟ်ထိုက်သူများ ဖြစ်သည်။

လေးစားစွာဖြင့်

မော်လာနာပသီကျော်ဦး
အစ္စလာမ့်သာသနာ့ပညာရှင်နှင့် ဓမ္မသတ်မှူး
ဖုန်း- ၀၉ ၄၄၄ ၀၁၁ ၈၀၆

If you like this please Link Back to this article...

<a href="http://burmesemuslims.blogspot.com/2012/10/blog-post.html">မြန်မာပြည်တွင် ကုရ်ဘာနီနှင့်စပ်လျဉ်း၍ကြေညာချက်</a>

ဆက်ဖတ်ရန်>>>

လိုင်လတုလ်ကဒရ်ညဥ့်(သို့) လပေါင်းတစ်ထောင်ထက်သာလွန်တဲ့ညဥ့်

 

ချစ်ခင်လေးစားရပါသော သာသနာ့ညီအစ်ကိုမောင်နှမများခင်ဗျား။
ဒီနေ့ညဟာဆိုရင် ရမသွာန်လမြတ်ရဲ့ (၂၁)ရက်ညဖြစ်ပါတယ်။ ကျွန်တော်တို့တွေဟာ အရှင်သတ်မှတ်ထားတဲ့ ဆွီယာမ်ဥပုသ်သီလကို ရက်ပေါင်းနှစ်ဆယ်တိုင်တိုင် စောင့်ထိန်းခဲ့ပြီးဖြစ်ပါတယ်။ အခုညကစပြီးတော့ ရမသွာန်လမြတ်ရဲ့နောက်ဆုံးဆယ်ရက်ကိုရောက်ရှိခဲ့ပြီဖြစ်လို့ ကျွန်တော်တို့တွေဟာ အိပ်စက်ခြင်းကို ချိုးခြံချွေတာပြီး ညစဉ်ညတိုင်းကို အရှင်နဲ့နီးကပ်မှုရအောင်ပိုပြီးတော့ အေဗာဒတ်ပြုကြဖို့တိုက်တွန်းပါရစေ။ ဒီနောက်ဆုံးဆယ်ညထဲမှာပဲ အင်မတန်မှ ထူးမြတ်အဖိုးအနဂ္ဃထိုက်တန်တဲ့ လပေါင်းတစ်ထောင်ထက် သာလွန်တဲ့ လိုင်လသွလ်ကဒရ်ညဥ့်မြတ်တည်ရှိနေပါတယ်။ ဒါ့ကြောင့် လိုင်လတွလ်ကဒရ်ညဥ့်မြတ်နဲ့ပတ်သက်တဲ့ ဟဒီးဆ်သြဝါဒတော်အချို့ကိုတင်ပြပေးလိုက်ပါတယ်။

မိခင်ကြီးအာအိယှာ(ရသွိ) သခင်မထံမှ ကြားသိရ၏။ တမန်တော်မြတ်(ဆွ)သည် ရမသွာန်လနောက်ဆုံး(၁၀)ရက် သို့ရောက်လျှင် ခါးဝတ်ကိုမြဲမြံစွာဝတ်တော်မူ၏။ ညဥ့်များကို အိပ်စက်ခြင်းမရှိအိမ်သူအိမ်သားများအားလုံးကို မအိပ်စေဘဲ ထားတော်မူ၏။ (ဗုခါရီ)

မိခင်ကြီးအာအိယှာ(ရသွိ)သခင်မထံမှကြားသိရ၏။ တမန်တော်မြတ်ဆွ)က မိန့်တော်မူသည်မှာ ရမဿွာန်လနောက်ဆုံး (၁၀)ရက်အတွင်းစုံမဟုတ်သောညဥ့်များတွင် လိုင်လတုလ်ကဒရ် ညဥ့်ကို ရှာဖွေကြကုန်ဟူ၏။ (ဆိုလိုသည်မှာ၊ ၂၁၊၂၃၊၂၅၊၂၇၊၂၉- ညများတွင် ရှာဖွေကြကုန်ဟူ၏။)(ဗုခါရီ)

အိဗ်နုအဗ်ဗားစ်(ရသွိ) သခင်ထံမှကြားသိရ၏။တမန်တော်မြတ်(ဆွ)က မိန့်ကြားတော် မူပါသည်။ ထိုညဥ့်ကို ရမဿွာန်လ နောက်ဆုံး(၁၀)ရက်တွင် ရှာဖွေကြလော့။ လိုင်လတုလ်ကဒရ်ညဥ့်သည် ကျန်(၉)ရက်၌လည်းကောင်း၊ ကျန်(၇)ရက်၌လည်းကောင်း၊ ကျန်(၅)ရက်၌လည်းကောင်း ကျရောက်၏။ (ဆိုလိုသည်မှာ (၂၁)ရက်ညဥ့်၊ (၂၃)ညဥ့်၊ (၂၅)ရက်ညဥ့်များတွင် ရှာဖွေကြကုန်ဟူ၏။)(ဗုခါရီ)

အဗူဗကရ်(ရသွိ) ထံမှတစ်ဆင့်ကြားသိရသည်မှာ တမန်တော်မြတ်(ဆွ)သည် ဤသို့မိန့်ကြားတော်မူပါ၏။ ရှာဖွေကြလော့။ လိုင်လတုလ်ကဒရ်ကို ကျန်(၉)ရက်၌ လည်းကောင်း၊ ကျန်(၇)ရက်လည်းကောင်း၊ ကျန်(၅)ရက်၌လည်းကောင်း၊ ကျန်(၃)ရက်၌ လည်းကောင်း၊ သို့တည်းမဟုတ် လကုန်နောက်ဆုံးညဥ့်၌ လည်းကောင်းရှာဖွေကြဟူ၏။ (သိရ်မီဇီ)

အိဗ်နုအိုမရ်(ရသွိ) သခင်ထံမှကြားသိသည်မှာ တမန်တော်မြတ်(ဆွ)ထံသို့ လိုင်လတုလ် ကဒရ်နှင့်စပ်လျဉ်း၍ လျှောက်ထားမေးမြန်းကြည့်ရာ တမန်တော်မြတ်(ဆွ)က ထိုညဥ့်သည် ရမသွာန်လတိုင်းရှိသည်ဟူ၏။ (အဗူဒါဝူးဒ်)

ဆိုလိုသည်မှာ ရမသွာန်လတိုင်းလတိုင်း၌ လိုင်လတုလ်ကဒရ် ကျရောက်၏။ မည်သည့်ရမသွာန်လမဆို ဤအံ့သြဘွယ်ရာညဥ့်မြတ် မကျရောက်သည်မရှိ။ အချို့ကတမန်တော်မြတ်(ဆွ)သက်တော်ထင်ရှားရှိစဉ်အတွက်သာ ဤညဥ့်မြတ်ကို ကျရောက်စေသည် ဟု ယူဆကြ၏။ ဤယူဆချက်ကို ချေပလိုက်ခြင်းဖြစ်သည်။ တစ်နည်းအားဖြင့်ဆိုသော် ရမသွာန်လတစ်လလုံးအတွင်း ညဥ့်တစ်ညဥ့်၌ကျရောက်သည်။ ထိုညဥ့်ကို လျို့ဝှက်ထား သည်ဟူ၏။

ကဒရ်ညဥ့်ဆုတောင်း
မိခင်ကြီးအာအိယှာသခင်မ(ရသွိ)ထံမှကြားသိရ၏။ မိခင်ကြီးကမိန့်ကြားသည်မှာ ကျွန်ုပ်သည် တမန်တော်မြတ်(ဆွ) ထံသို့ ဤသို့လျှောက်ထား၏။ အကယ်၍ ကျွန်တော်မျိုးမသည် လိုင်လတုလ်ကဒရ်ညဥ့်ကို ဧကန်အမှန်သိရသော် အဘယ်သို့ ဆုတောင်းကို တောင်းခံရပါအံ့နည်း။ ထိုအခါ တမန်တော်မြတ်(ဆွ)က အသင်မ ဤသို့ တောင်းဆိုလော့ ဟုမိန့်တော်မူ၏။

အလ္လာဟွမ္မ အင်းန်နက အဖူးဝန် သုဟစ်ဘွလ် အဖ်ဝ ဖအ်ဖု အန်းနီ
အို-အရှင်မြတ်၊ အရှင်မြတ်သည် လွတ်ငြိမ်းချမ်းသာခွင့်ပေးခြင်းကို မြတ်နိုးတော် မူပါသဖြင့် ကျွန်တော်မျိုးအား လွတ်ငြိမ်းချမ်းသာခွင့်ပြုတော်မူပါ။ (အဟ်မဒ်၊ အိဗ်နုမာဂျာ၊ သိရ်မေဇီ)

မှ......Hay Shan

If you like this please Link Back to this article...

<a href="http://burmesemuslims.blogspot.com/2012/08/blog-post_272.html">လိုင်လတုလ်ကဒရ်ညဥ့်(သို့) လပေါင်းတစ်ထောင်ထက်သာလွန်တဲ့ညဥ့်</a>

ဆက်ဖတ်ရန်>>>