သောကပြဿနာ

မိတ်ဆွေ
သောကဆိုးတာ အမျိုးမျိုး အစားစားရှိရာ ယင်းတို့ကို သေချာစွာ စုံစမ်းစိစစ်ဝေဖန်မှသာလျှင်။ ယင်းတို့အကြောင်းဇာစ်မြစ်ကို သိနိုင်ပေမည်။ အနာရှိမှလည်း ဆေးသိနိုင်မည် မဟုတ်လာ။ ပထမ အကြောင်းစုံ ရှာဖွေပါ၊ ဒုတိယ ရသမျှ အကြောင်းများကိုခွဲခြားဝေဖန်၊ တတိယ ဆုံးဖြတ်ချက်ချ၊ ချပြီလုပ်။ သောကဖြစ်ရခြင်း အကြောင်းရင်းတစ်ခုမှာ
နဝေတိမ်တောင် ဖြစ်နေရခြင်းပေတည်း။ မရေမရာမသေချာ ကောင်းစွာ နားမလည်ဖြစ်သောကြောင့် အခြောက်တိုက်ပူပန်မှု
ဖြစ်ရတတ်သည်။ အကယ်၍သာ သောကကို ဖြုန်းခနဲ မဖြစ်စေဘဲ အခြေအနေမှန်ကို မသိ သိအောင်စုံစမ်း၊
အကြောင်းစုံကို အကွက်မလပ် ရှာဖွေစုဆောင်း၊ အကြောင်းစုံသိသည့်အခါ၌မှု သောကမှာ ဖြစ်ချင်သည်ဆိုသော်လည်း
မဖြစ်တော့ဘဲ ပြေပျောက်သွားတတ်သည်။
လူတစ်ဦးတစ်ယောက်သည် ပြဿနာ တစ်ခုခုအတွက် အကြောင်းစုံကို ရှာဖွေစုံစမ်းရာ၌ စိတ်ဝင်စား၍ ကြိုတင်ဆုံးဖြစ်ချက်မရဘဲ
အရင်းအတိုင်းသာ စုံစမ်းပါလျှင် ထိုပြဿနာအတွက် သောကပေါ်ပေါက်ရန် အကြောင်းလမ်းများ ပေါ်ပေါက်တော့မည် မဟုတ်ချေ
ကျွန်ုပ်တို့တစ်တွေ၌ အကျင့်ဆိုးတစ်ခုရှိသည် ယင်းသည်ကား အကြောင်း တစ်ခုခုကို စုံစုံလင်လင် မသိခင်က ကိုယ်ထင်ရာကိုယ်
ဆုံးဖြတ်ချက်ချလိုက်ခြင်းပင်ဖြစ်သည်။ ဆုံးဖြတ်ချတ်ကို အရင်ဆုံးချပြီးမှ ထိုဆုံးဖြတ်ချက်ကို ထောက်ပံ့မည့် အချက်အလက်များကိုသာ ရှာဖွေစုံစမ်းလေသည်။ ထိုဆုံးဖြတ်ချက်ကို မှားသည်ဟုညွှန်ပြမည့်အချက်များကိုမှု မည်မျှပင် ထင်ရှားစေဦးတော့ ပစ်ပယ်၍ ငါ့စကား နွားရ သဘောမျိုး ထားတတ်သည်။ အကယ်၍သာ အကြောင်းတစ်ခုခုကို
အချက်အလက် စုံစုံလင်လင် သိပြီးမှ ဆုံးဖြတ်ချက်ချလျှင် ပူပန်စရာလည်း မလို၊ မှားစရာ အကြောင်းလည်းမရှိ၊
ပြဿနာသည် သူ့ဘာသာသူ ဖြေရှင်းပြီးသား ဖြစ်တက်ပေသည်။
သောကဖြစ်လာသည့်အခါမျိုး၌ကား သောကအကြောင်းကို ခေါင်းအေးအေးနှင့် စိစစ်ဝေဖန်ဖို့ အလွန်ခဲယဉ်းလှပေသည်။


သောကကိုဖြေရှင်း နည်းလမ်းမှာ အောက်ပါအတိုင်းဖြစ်သည်။
၁။ သောကဖြစ်စေမည့် အကြောင်းရင်းများကို ရှာဖွေစိစစ်ရာ၌ ကျွန်ုပ်သည် ကျွန်ုပ်နှင့် မသက်ဆိုင်၊ အခြားသူတစ်ဦးအတွက်
စုံစမ်းရှာဖွေပေးရသကဲ့သို့ စိတ်ထားပြောင်းပြီး စုံစမ်းရှာဖွေလေ့ရှိပါသည်။


၂။ ကျွန်ုပ်ကို သောကပေးနေသော ပြဿနာကို စိစစ်ဝေဖန်ရာ၌ ကျွန်ုပ်သည် ကျွန်ုပ်၏ အကြိုက်သို့လိုက်၍ မစုံစမ်းဘဲ
ကျွန်ုပ် မနှစ်သက်သည့်ဘက်မှနေ၍ အကြောင်းရှာဖွေ၇သည်။ ကျွန်ုပ်၏ အပြစ်ကို အထူးဂရုပြု၍ ရှာဖွေရမည်။
အမှုတစ်ခု၌ ကျွန်ုပ်ကို ကန့်ကွက်ထုချေသော ရှေ့နေအဖြစ်သဘောထား၍ စုံစမ်းရှာဖွေရမည်။


ငါ ဘာအတွက်နဲ့ သောကရောက်နေတာလဲ။


ငါ သည်ကိစ္စနဲ့ ပတ်သက်လို့ ဘာလုပ်နိုင်သလဲ။


ကျွန်တော်တို့ဖြစ်နေတဲ့ သောကနဲ့ ပတ်သက်တဲ့ အကြောင်းကို အတိအကျ ရေးချ။


အဲဒါ ငါ ဘာတတ်နိုင်သလဲဆိုတဲ့ မေးခွန်း အဖြေကိုရေးချ။


လုပ်နိုင်မယ့် နည်းလမ်းတွေထဲက ဘယ်နည်းက လိုက်မယ်ဆိုတာ အသေအချာစဉ်းစားပြီး ပိုင်ဖြတ်လိုက်။


ဆုံးဖြတ်ပြီးတဲ့နည်းအတိုင်း အမြန်ဆုံး လုပ်တော့။


ဒေးလ် ကာနက်ဂျီ ရေး၍ / တက်တိုး မြန်မာပြန်သည်။ သောကကင်းဝေးနေနိုင်ရေး
အပိုင်း ( ၂ )

 *ငြိမ်းချမ်းရေးနှလုံးသား*

 

If you like this please Link Back to this article...

<a href="http://burmesemuslims.blogspot.com/2011/03/blog-post_10.html">သောကပြဿနာ</a>

ဆက်ဖတ်ရန်>>>

ဒေါက်တာကယ်ရယ်၏ ဟောချက် သောက၏ ဆိုးကျိုးများ

လူအချို့သည် စိတ်ကိုအစွဲပြု၍ စိတ်၏ရောဂါရောက်ရှိနိုင်တယ် စိတ်၏ ဖြစ်ထွေများကို စဉ်းစားကြည့်မယ်ဆိုးရင် ပူပင်သောကရှိခြင်း
မကျေနပ်ခြင်း ကြောက်ခြင်း အရှုံးပေးခြင်း စိတ်ပျက်ခြင်း စသည်တို့ဖြစ်သည် ထိုဖြစ်ထွေများသည် စင်စစ်အားဖြင့် သောက၏
အဆွယ်အပွားပင်ဖြစ်ချေသည်။ ဂရိတ်ပညာရှိကြီး ပလေတိုက ကိုယ်နှင့်စိတ်မှာ တွဲလျက်ရှိရာ ကိုယ်၌ဖြစ်သောရောဂါကို
ကုသရုံနှင့်ကိစ္စမပြီးသေး စိတ်၌ဖြစ်သောရောဂါကိုကုမှ ပြီးမြောက်အောင်မြင်နိုင်မည်ဟု ဆိုဖူးလေသည်။
ဆရာဝန်ကြီး ဒေါက်တာဆီစီသည် သွယ်ချာပါဒရောဂါနှင့် ပက်သက်၍ ရေးသားရာ၌ အောက်ပါအကြောင်းများကြောင့်
သွက်ချာပါဒ ဖြစ်တက်သည်ဟု ဆိုလေသည်။

၁။ အိမ်ထောင်ရေး ပျက်စီးးခြင်း
၂။ စီးပွားရေး ပျက်စီးခြင်း
၃။ အဖော်သဟ မရှိခြင်း
၎။ အငြိုးစိတ် မွေးမြူထားခြင်း
၅။ သောကထွေပြားခြင်း

အထက်ပါ အကြောင်းများသည် စင်စစ်အားဖြင့် စိတ်နှင့် သက်ဆိုင်၍ သောကမှ ဖြာထွက်လာသောအကြောင်းများ ဖြစ်တော့သည်
အိမ်ထောင်ရေး ပျက်ပြားသည့်အခါ၌ သောက ထွေပြားရသည်။ စီးပွားရေးပျက်သည့်အခါ၌လည်း ထိုသို့နှင်နှင် သောက ထွေပြားရသည်။
အဖော်သဟဲမရှိဘဲ ထီးထီးကျန်ကျန် ကြောင်တက်တက်နေရသောအခါ၌လည်း တွေးချင်းရာတွေး၊ ဆွေးချင်းရာဆွေး ဆိုသလို
သောကထွေပြားရသည်။ အငြိုးစိတ်မွေးမြူထားခြင်းမှာ သောကထွေပြားခြင်းတစ်မျိုးပင်ဖြစ်သည်။
တစ်ဦးတစ်ယောက်အပေါ်၌ စိတ်အခိုက်အလည့်မသင့်၍ ဒေါသဖြစ်ခြင်းမဟုတ်ဘဲ တွေးတွေးပြီး စိတ်နာသောက အဃာတတရားနှင့်
အငြိုးစိတ်ကို ရင့်သန်အောင်မွေးမြူခြင်းမှာမိမိ၏ အဖြစ်ကို မကျေနပ်၊ ကိုယ့်ကိုယ်ကို မလုံဖြစ်ကာ သောကထွေပြားခြင်းပင် ဖြစ်ချေသည်။
ထို့ကြောင့် သောကထွေပြားမှုသည် ကြီးစွာသောအန္တရာယ်ကိုပေးတက်ကြသည်။
သွားဘက်ဆိုင်ရာ နာမည်ကျော် ဆရာဝန်ကြီး ဒေါက်တာ မက္ကဂေါနီဂီက သောကကြောင့် သွားကျိုးလွယ်သည်ကို သတိပြုမိကြပါ
ဟုမိန့်ဆိုဖူးလေသည်။

သောကအကြောင်းနှင့် ပတ်သက်၍ သိအပ်သော အချက်များ
၁။ သောကနှင့် ကွေကင်းလိုလျှင် ဒေါက်တာ အောစလားပြောသည့် အတိုင်း တစ်နေ့စာပဲ နေပါ။ နောင်ရေးကိုတွေးပြီး လူလှိမ့်မနေပါနှင့်။
မိုးလင်းက မိုးချုပ် အိပ်ရာဝင်အထိသာနေပါ။
ဆာအော့စလား ပြောသကဲ့သို့ တစ်နေ့တစ်ခါ နေပါ
၂။ နောက်တစ်ခါများ သင့်ထံသို့ ဒုက္ခက သောင်းကျန်းသူပမှာ သေနတ်နှင့် တေ့၍ ချောင်ပိတ်ပြီး နှံမည်ဆိုလျှင် ကာရီးယာ၏ နည်းကလေးကို စမ်းကြည့်ပါ။
က။ သည်ကိစ္စမှာ ငါ ဘယ်အခြေအထိ ရောက်မလဲ ဟု အဆိုးဆုံးအခြေကို တွက်ကြည့်ပါ။
ခ။ ထို အဆိုးဆုံးအခြေအနေကို လက်ခံနိုင်အောင် ကြိုးစားပါ။
ဂ။ အဆိုးဆုံးအခြေအနေကို လက်ခံပြီး ထိုအခြေအနေမှနေ၍ တိုးတက်လာအောင် စိတ်အေးအေးကြံစည်စမ်းပါ။
ဝီလျံကာရီယား၏ သောကပျောက်ဆေး
၃။ သောကဆိုသည်မှာ အလွန်ဈေးကြီးသည်။ သောကကို ငွေနှင့်ဝယ်၍မရ။ ဥစ္စာအပေါင်းတို့ထက် အဖိုးတန်သော ကျန်းမားရေးနှင့်
ဝယ်ယူရသည်။ ထိုအချက်ကို အမြဲသတိပြုပါ။

ဒေးလ် ကာနက်ဂျီ ရေး၍ / တက်တိုး မြန်မာပြန်သည်။ သောကကင်းဝေးနေနိုင်ရေး

အခန်း ( ၃ )
ငြိမ်းချမ်းရေးနှလုံးသား

If you like this please Link Back to this article...

<a href="http://burmesemuslims.blogspot.com/2011/03/blog-post_09.html">ဒေါက်တာကယ်ရယ်၏ ဟောချက် သောက၏ ဆိုးကျိုးများ</a>

ဆက်ဖတ်ရန်>>>

သောကပျောက်ဆေး

သောကပျောက်ဆေး
မိတ်ဆွေ သောကရောက်နေလို့ ဘာမှ အကျိုးထူးမှာ မဟုတ် ကိစ္စပြီးမှာလဲမဟုတ် ကိုယ့်ကိုယ်ကို ပြန်ပြီ ဆုံးမလိုက်မယ်ဆိုရင် သောကတွေဟာ ကြက်ပျောက် ငှက်ပျောက် ပျောက်ပြီး အလုပ်ကို စိတ်ကြည်ကြည်လင်လင်နဲ့ စိတ်ဝင်စားနိုင်တာပေါ့ သောကဖျောက်နည်းက လွယ်ပါတယ် သုံးဆင့်ပဲရှိတယ်။
ပထမအဆင့်။ အခြေအနေကို မထောက်ညှာဘဲ ရှင်းရှင်းကြီး ဘွင်းဘွင်း ဝေဖန်ပြီး နောက်ဆုံး ဘယ်အခြေအနေအထိ ဆိုက်နိုင်မလဲဆိုတာ တွေးပါ။
ဒုတိယအဆင့်။ အဲသည်လို အဆိုးဆုံးအချိန်ကို သေသေချာချာတွက်ပြီး အဲဒီအခြေအနေမှာ နေနိုင်ဖို့
စိတ်ထဲ ပိုင်းဖြတ်လိုက်ပါ။ လူဆိုတာ တစ်ခါတလေ မအောင်မြင်တဲ့အခါ အရှုံးခံရတာမျိုးရှိနိုင်ပါတယ်။
အဲသည်လို အခြေအနေရှိမယ်ဆိုရင် အရင်းစစ်ပြီး တွေးတောဝေဖန်ကြည့်ထားလိုက် အလကားသက်သက်မဲ့
ကြောင့်ကြစိုးရိမ်နေတဲ့စိတ်တွေ ပျောက်ကုန်မှာ။
တတိယအဆင့်။ အဆိုးဆုံး အခြေအနေကိုကြည့်ပြီး ကိုယ်ပိုင်ဖြစ်တဲ့ ဥာဏ်အင်အားကို စိုက်ထုတ်ပြီ
တိုးတက်ကောင်းမွန်အောင် စိတ်ချလက်ချ ကြိုးစားရတော့မယ်။
သောကဆိုတာ တော်ဆိုးတာ၊ တောင်တွေး မြောက်တွေးနဲ့ စိတ်ကိုတည်ငြိမ်ဖို့ ဘယ်နည်းနဲ့မျှ
မဖြစ်နိုင်တော့ဘူး၊ စိတ်တည်တည်နဲ့ စူးစိုက်ပြီး မစဉ်းစား မဝေဖန်နိုင်သမျှ အကြံကောင်း ဥာဏ်ကောင်း
မပေါ်နိုင်ဘူး ဘယ်ဟာကိုလုပ်ရမယ်ဆိုတာလည်း မဆုံးဖြတ်နိုင်ဘူး ကြီးကျယ်ရှုပ်ထွေးတဲ့ ပြဿနာနဲ့
ရင်ဆိုင်ရတဲ့အခါမှာ သောကထွေလာပြီး တောင်လိုလို မြောက်လိုလိုနဲ့ ယောင်ကန်းကန်းလုပ်နေရင်
ဘယ်မှာ ဖြေရှင်းနိုင်မယ့်အချက်အလက်တွေကို တွေးနိုင်ပါ့မလာဗျာ။
( ဝီလျံကာရီယား၏ သောကပျောက်ဆေး )
၁။ သည်ကိစ္စမှာ ငါ ဘယ်အခြေအထိ ရောက်မလဲ ဟု အဆိုးဆုံးအခြေကို တွက်ကြည့်ပါ။
၂။ ထို အဆိုးဆုံးအခြေအနေကို လက်ခံနိုင်အောင် ကြိုးစားပါ။
၃။ အဆိုးဆုံးအခြေအနေကို  လက်ခံပြီး ထိုအခြေအနေမှနေ၍ တိုးတက်လာအောင် စိတ်အေးအေးကြံစည်စမ်းပါ။

ဒေးလ် ကာနက်ဂျီ ရေး၍ / တက်တိုး မြန်မာပြန်သည်။ သောကကင်းဝေးနေနိုင်ရေး

အခန်း ( ၂ )
ငြိမ်းချမ်းရေးနှလုံးသား

If you like this please Link Back to this article...

<a href="http://burmesemuslims.blogspot.com/2011/03/blog-post_08.html">သောကပျောက်ဆေး</a>

ဆက်ဖတ်ရန်>>>

တစ်နေ့တစ်ခါ နေပါ

ကျွန်ုပ်တို့၏ အကြီးဆုံးသောအလုပ်မှာ မှုန်မွှားမွှားသာမြင်ရသော အဝေးက အဖြစ်အပျက်ကို လှမ်းမျှော်ကြည့်ရန် မဟုတ်၊
ယခုလက်ရှိ ထင်ရှားသော ကိစ္စသာဖြစ်သည်။
လွန်ခဲ့တဲ့ အတိတ်ကာလဆိုတဲ့ တံခါးကိုပိတ်လိုက်ကြစမ်းပါ၊ ပြီးတော့တစ်ခါ နောက်ထပ် မရောက်လာသေးတဲ့ အနာဂတ်ကာလ ဆိုတာကိုလည်း တံခါးပိတ်လိုက်ကြစမ်းပါ၊ သေကြေပျက်စီး ရွေ့လျားသွားပြီဆိုတာ လူတိုင်းသိနေတဲ့ မနေ့၊ မနေ့၊ မနေ့ကပေါင်းများစွာတို့ရယ်၊ မပေါ်လာသေးဘူး၊ မမွေးဖွားသေးဘူဆိုတာ လူတိုင်းသိနေတဲ့ နက်ဖြန်၊ နက်ဖြန်၊ နက်ဖြန်ပေါင်းများစွား
တို့ရယ်။ အဲဒါတွေဟာ ကျုပ်တို့နဲ့မဆိုင်ဘူး၊ ပြီးတာလည်းပြီးပြီ၊ မပြီးပါနဲ့လို့ မတားနိုင်ဘူး၊ မဖြစ်သေးတာကိုလည်း ဘာဖြစ်မှန်း မသိသေးတော့ ဘယ့်နှယ်လုပ်ပြီး စိတ်မောနေဖို့လိုမလဲ ဒီတော့ ကျုပ်တို့မှာဘာပဲ ကိုယ်ပိုင်ပစ္စည်းအဖြစ်နဲ့ ကျန်ခဲ့သလဲ၊
ဒါကတော့ တခြားမဟုတ်ပါဘူး၊ သည်နေ့၊ ယနေ့၊ ယခု ဆိုတာပဲပေါ့၊ လူတွေနဲ့ အသက်ဆိုင်ဆုံးက မျက်မှောက် ပစ္စက္ခပါပဲ၊
နောင်ရေးကိုတွေးပြီး ပူနေတဲ့လူဟာ အအိပ်ပျက်၊ အစားပျက်နဲ့ အားအင်လျော့ပါပြီး အလကားသက်သက် ဒုက္ခရောက်ရတယ်၊
ပြီးခဲ့တဲ့ အတိတ်ကာလအဖြစ်အပျက်ကို ပြန်ပြီးတွေတောတမ်းတ လွမ်းဆွတ်နေရင်တော့ ဘယ်မှာ အကျိုးထူးဦးမှာလဲ၊
ဒါကြောင့် အတိတ်နဲ့အနာဂတ်တို့ကို အသာကလေး တံခါးပိတ်ပြီး တစ်ဘဝမှာ တစ်နေ့စာကလေး အကန့်လိုက်လုပ်ပြီးနေကြစမ်းပါ၊
မနက်ဖြန်အတွက် စဉ်းစားပါ။ သို့သော် နက်ဖြန်အတွက်ကြို၍ မပူပန်ပါနှင့်။
နက်ဖြန်အတွက် ကြိုတင်ပြင်ဆင်မှုပြုပါ။ သို့သော် နက်ဖြန် ဘာများဖြစ်ပါမလဲဟု တွေးတောကြောင့်ကြခြင်း မရှိပါနှင့်။
အလုပ်အကိုင် လုပ်ရာမှာလဲ ဘယ်လောက်ပဲ အလုပ်မျာူများ စိတ်မရှုပ်ဘဲ အလုပ်တစ်ခုပြီးမှ တစ်ခု ကျကျနနလုပ်တဲ့ အကျင့်ကလေးယူးထားပါ။
ကျွန်ုပ်တို့သည် ယခုအခါ ဘယ်နေရာ၌ တည်နေကြပါသလဲ၊ ရှည်လျားလှသော သံသရာကာလကြီး၏ အလယ်တွင် တည်နေကြသည်ဟု
ဆိုနိုင်ပေသည်။ အဓွန့်ရှည်ကြာသော အတိတ်ကာလ လဟာပြင်ကျယ်နှင့် အဆုံးအဆမရှိသော အနာဂတ်ကာလ အဏ္ဏဝါဗွေကြီး
နှစ်ခုစပ်ကြား၌ရှိသော ကျဉ်းမြောင်းလှသည့် ပစ္စုပ္ပန်ကာလကလေးတွင် တည်နေကြလေသည်။ ထိုသို့ တည်နေရာမှ တစ်ဖက်သော အတိတ်ကာလ လဟာပြင်ကျယ်ကြီးဘက်သို့ လှမ်းလိုက်ပါမှု စိတ်ရောကိုယ်ပါ ဒုက္ခရောက်၍ အကျိုးကင်းမဲ့ချေသည်။
အနာဂတ်အဏ္ဏဝါကြီးထဲသို့ ခြေစုံပစ်၍ကူးလျှင်လည်း စုံးစုံးမမြုပ်တော့မည် ဧကန်ပင်တည်း။ သို့ဖြစ်သောကြောင့် ကျွန်ုပ်တို့နှင့်သက်ဆိုင်သော ပစ္စုပ္ပန်ကာလကလေးတွင် ခိုင်ခိုင်မာမာရပ်တည်နေကြရန် သင့်လှပေသည်၊
ယခုလက်ငင်းအခြေအနေသည် ဆင်ခြင်တုံတရားနှင့်သုံးသပ်ကြည့်လျှင် အကောင်းဆုံးဖြစ်၏။
လူ့ဘဝအသက်တာ ရှည်လှသည်မဟုတ်ကို သတိပြု၍ နေရခိုက်တွင် ကျကျနန နေကြစမ်းပါ။ ယနေ့ နေရမည့် အရေးကို ယနေ့မနေဘဲ
ရက်ရွှေ့ကာ နောက်နေ့ ကောင်းနိုးနိုးနှင့် ရောင့်ရဲမှု ကင်းမဲ့နေကြသောကြောင့် လူတို့သည် ပျော်ရွှင်မှုနှင့် တေ့လွဲဖြစ်ကြရလေသည်။


( မိတ်ဆွေ၊ သောကကို ပယ်ဖျောက်လိုပါသလား၊ သို့ဆိုလျှင် ဆာအော့စလား ပြောသကဲ့သို့ အတိတ် အနာဂတ်တို့ကို
တံခါးပိတ်ပြီး တစ်နေ့လုံးနေခြင်း ဖြင့်သာနေပါလာ)
ပြီးတော့ အောက်ပါမေးခွန်းများကို ဖြေကြည့်စမ်းပါလေ။


၁။ ငါသည် ပစ္စုပ္ပန်ကာလမျှ မနေဘဲ နောင်ရေးကိုတွေးပြီ ပူပန်နေသလား။ စိတ်ကူးယဉ်ပြီး အိမ်မက်ကောင်း မက်နေသလားဒ


၂။ ငါ အခု အခိုက်အတန့်ကလေးကို ကျေကျေနပ်နပ်မခံစားဘဲ လွန်ခဲ့တဲ့ အတိတ်အဖြစ်အပျက်တွေကို တွေူပြီ စိတ်ညစ်ညူးနေသလား။


၃။ ငါ မနက်အိပ်ရာထရင် သည်နေ့ကို စံစားမယ်လို့ သန္နိဠာန်ချသလား။ သည်နေ့မှာရှိတဲ့ ၂၄ နာရီးလုံးကို ကျေနပ်အောင်
အသုံးပြုမယ် ကြံရွယ်ပါရဲ့လား။


၎။ ငါဟာ တစ်နေ့လုံး နေခြင်းစနစ်အရ အကျိုးထူးရပါ့မလား။


၅။ ငါသည် အလုပ်ကို ဘယ်တော့စလုပ်မှာလဲ။ နောက်အပတ်လား၊ နက်ဖြန်လား၊ ယနေ့လား။




ဒေးလ် ကာနက်ဂျီ ရေး၍ / တက်တိုး မြန်မာပြန်သည်။ သောကကင်းဝေးနေနိုင်ရေး.........အခန်း ၁


အချုပ်အားဖြင့်ပြန်လည်၍ရေသားဖေါ်ပြပါသည်။..ငြိမ်းချမ်းရေးနှလုံးသား..

If you like this please Link Back to this article...

<a href="http://burmesemuslims.blogspot.com/2011/03/blog-post_7571.html">တစ်နေ့တစ်ခါ နေပါ</a>

ဆက်ဖတ်ရန်>>>

လွှစာကို ထပ်ပြီး လွှမတိုက်ပါနှင့်

ငါ ယခု သောကဖြစ်နေသည့် အကြောင်းအရာသည် ငါ့အဖို့ မည်မျှတန်းဖိုးရှိသနည်း။


ငါ့ သောကကို မည်သည့်အရာတွင် ကန့်သတ်ပြီး မေ့ပျောက်ပစ်လိုက်ရမည်နည်း။


ငါ သောက မပိုသင့်ပါလျက်နှင့် ပိုနေသလား။

 အလုပ်များများလုပ်ပြီ သောကကို စိတ်တွင်းမှ နှင်ထုပ်ပစ်လိုက်ပါ ။ အလုပ်များများ လုပ်ခြင်းးသည် သောကပျောက် နတ်ဆေးကျော်ပင် ဖြစ်သည်။

အသေးအဖွဲနှင့် ပတ်သက်ပြီ ရေးကြီးခွင့်ကျယ် လုပ်မနေပါနှင့်။ အသေးအဖွဲကိစ္စကလေးတွေက သင့်ဘဝကို အစတုံးမပစ်ပါစေနှင့်။

အကြမ်းဖျင်းသဘောနှင့် တွက်ပြီး ဒါဒီလိုဖြစ်ရင် ဘယ်လောက် အထိ ရောက်မှာလဲ ဆိုသည်ကို တွက်ကြည့်ပါ။

မလွှဲမရှောင်သာသည့် ကိစ္စမျိုးမှာ ဖြစ်သမျှအကြောင်း အကောင်းချည်း သဘောထားလိုက်ပါ။

သောကကို ကန့်သတ်လိုက်ပါ။ ငါဘယ်လောက်အထိသာ စိတ်ဒုက္ခခံနိုင်မယ်၊ သည့်ထက်တော့ ဘယ်နည်းနဲ့မျှ မခံနိုင်ဘူးဟု
အတိအကျ ဆုံးဖြတ်လိုက်ပါ။

ပြီးတာ ပြီးပါစေတော့ဆိုသည့် သဘောထားမျိုးကို အမြဲထားပါ။ လွှစာကို ထပ်ပြီး လွှမတိုက်ပါနှင့်။



ဒေးလ် ကာနက်ဂျီ ရေး၍ / တက်တိုး မြန်မာပြန်သည်။ သောကကင်းဝေးနေနိုင်ရေး
အပိုင်း ( ၃ )

 *ငြိမ်းချမ်းရေးနှလုံးသား*

If you like this please Link Back to this article...

<a href="http://burmesemuslims.blogspot.com/2011/03/blog-post_07.html">လွှစာကို ထပ်ပြီး လွှမတိုက်ပါနှင့်</a>

ဆက်ဖတ်ရန်>>>