ပထမဆုံး ဒီပို့စ်လေးကို တင်လိုက်တာ အချိန်အနည်းငယ်နှောင့်နှေးသွားတဲ့ အတွက် တောင်းပန်စကားဆိုပရစေ။ ကျွန်တော် အစောကြီးကတည်းက ရေးဖို့လည်းလုပ်တယ်။ ရေးလည်းရေးနေတယ်။ ဒါပေမယ့် အားအင်ချိနဲ့တွေအပြည့်နဲ့ ကျွန်တော်ဟာ အချိန်မှီ တင်ဆက်နိုင်ဖို့ အခွင့်ရေးမရခဲ့ဖူး။ အလ်ဟမ်ဒုလစ်လာဟ် အခုတော့ မြင့်မြတ်လှတော်မူသော အလ္လာဟ်အရှင်မြတ်ရဲ့ ချီးမြှင့်ပေးသနားတော်မူခြင်းကြောင့် ယခုပြီးဆုံးသည်တိုင် ရေးသားခွင့်၇လိုက်ပါပြီ။ အချိန်မရတော့လို့ အနည်းငယ်သာ ရေးနိုင်တဲ့အတွက် စာဖတ်သူများအနေနဲ့ ကျွန်တော့်ကို အပြစ်မမြင်ပဲ နားလည်ပေးကြပါလို့ တောင်းပန်လိုက်ပါတယ်။
လမြတ်ရမဇန် မတိုင်ခင် ကျွန်တော်တို့တွေ လမြတ်ရမဇန်ကို ဆုံတွေ့ဖို့အတွက် ကြိုးစားမှု့များ၊ အသင့်ပြင်မှု့များ၊ မက်ဆန္ဒများစွာနဲ့ စောင့်စားနေခဲ့ကြတယ်။ ရောက်လာပြန်တော့လည်း အကျိုးထူးတွေကို ရဖို့ များစွာကြိုးစားကြတယ်။ အခုတော့ လမြတ်ရမဇန်ရဲ့ သုံးပုံနှစ်ပုံကုန်ဆုံးသွားလိုက်ပြီ။ ပြန်လည်စမ်းစစ်ကြည့်လိုက်တော့ လမြတ်ရမဇန်မတိုင်ခင်က ချခဲ့တဲ့ ဆုံးဖြတ်ချက်တွေကိုလည်း အကောင်ထည်မဖော်ဖြစ်ခဲ့၊ လှမ်းမျှော်ကြည့်ခဲ့တဲ့ ပန်းတိုင်ဟာလည်း ဝေးကွာရင်း မှုံဝါးဝါးဖြစ်ကာ ပြောက်ကွယ်လုမတတ်ပဲ။ ကြေကွဲနေတဲ့ကျွန်တေ်ာ့အတွက် အားပေးဖြေသိမ့်စရာတွေ ဝေးကွာနေသည့် အလားပဲ။ နောင်တတွေ ကြီးစွာရပြီး ရှိုက်ကြီးတငင်ငိုကြွေးနေမိရုံမှအပ ကျွန်တော်ဘာမှ မလုပ်နိုင်ခဲ့ဖူး။
သို့သော် အရှင့်အသနားတော်ကြောင့် ကျွန်တော်ဟဒီးဆ်တစ်ပုဒ်ကို သတိရမိသွားတယ်။ ဟဒီးဆ်တော်လေးက... لايلدغ المؤمن من جحر واحد مرتين မို့အ်မင်(အလ္လာဟ်အရှင်မြတ်ကို သက်ဝင်ယုံကြည်သူဟာ တွင်းတစ်တွင်း (အပေါက်တစ်ပေါက်)ကနေ နှစ်ခါအကိုက်မခံရဖူး။ ဆိုလိုတာက တစ်စုံတစ်ခုကြောင့် ကျွန်တော်နစ်နာဆုံးရှုံးခဲ့ရရင် နောက်တစ်ကြိမ်အဲ့လို ဆုံးရှုံးမှု့တွေကို မခံသင့်ဖူး။ အခု ကျွန်တော် လမြတ်ရမဇန်ရဲ့ အကျိုးကျေးဇူးတွေ၊ အနှစ်သာရတွေကို ပြည့်ပြည့်ဝဝ မရယူပဲ လောကီကောင်းစားရေး၊ သာယာရေး၊ အဖ်သာရီ၊ စဟ်ရီအတွက် စားရေးသောက်ရေးနဲ့ အီးဒ်အတွက် အလှအပ၊ အကျီအဝတ်အစား၊ အကျွေးအမွေးစတဲ့ လုပ်ငန်းများမှာပဲ ကျွန်တော်အချိန်တွေပေးရင်း ဆုံးရှုံးမှု့တွေကို ရင်ဝယ်ပိုက်နေခဲ့လိုက်တယ်။ ဒီလို ဆုံးရှုံးမှု့တွေနဲ့ ရင်ဆိုင်နေရတာကို အခု လမြတ်ရမဇန်ရဲ့ နောက်ဆုံးဆယ်ရက်မှာ ကောင်းကောင်းကြီးသိနေရတယ်။ ခံစားချက်ရှိသူတိုင်းလည်း မိမိလုပ်ရပ်ကို တွေးတောကြည့်ရင်း ရှက်မိနေမှာပါ။ ဘာပဲဖြစ်ဖြစ်ပေါ့ အခု မြတ်နဗီ(ဆွ)ရဲ့ ဟဒီးဆ်တော်လေးက ကျွန်တော်တို့ကို သတိပေးနေပြီ။ နှစ်ခါအကိုက်မခံနဲ့... မိုက်တွင်းဆက်မနက်နဲ့...!!
ကျွန်တော်တို့ လမြတ်ရမဇန်ရဲ့ နောက်ဆုံးဆယ်ရက်ကို အကောင်းဆုံးဖြစ်အောင်၊ အကျိုးထူးတွေရအောင် ပီပီပြင်ပြင် လုပ်ချင်တယ်ဆိုရင်........
ကျွန်တော်တို့အတွက် မြတ်နဗီ(ဆွ)ဟာ စံနမူနာဖြစ်တယ်။ မြတ်နဗီ(ဆွ)ရဲ့ လုပ်ရပ်တိုင်းဟာ ကျွန်တော်တို့ ဘဝအတွက် လမ်းပြမြေပုံဖြစ်တယ်။ ဒါကြောင့် ဒီနောက်ဆုံး ဆယ်ရက်မှာ မြတ်နဗီ(ဆွ) ဘယ်လိုတွေ ကျင့်ကြံနေထိုင်ခဲ့သလဲဆိုတာကိုလေ့လာရင်း လက်တွေ့ကျင့်သုံးလိုက်ကြရအောင်။ အိုအရှင် ကျွန်တော်နှင့် မွတ်စ်လင်မ်လူထုတစ်ခုလုံးအား လမြတ်ရမဇန်ရဲ့ အနှစ်သာရများကို အပြည့်အဝ ပေးသနားတော်မူပါ...။
၁။ ဟဇရသ် အာအိရှဟ် သခင်မကြီး၏ ဆင့်ပြန်ချက်အား မွတ်စ်လင်မ်ကျမ်း၌ ဤသို့ဖော်ပြထား၏။
كان رسول الله صلى الله عليه وسلم يجتهد في العشر الأواخر ما لا يجتهد في غيره ဟဒီးဆ်တော်၏ ဆိုလိုရင်းမှာ ကိုယ်တော်သခင်(ဆွ)သည် လမြတ်ရမဇန်၏ နောက်ဆုံးဆယ်ရက်တွင် အခြားရက်များထက်သာပို၍ အိဗာဒသ်ပြုတော်မူသည်။
၂။ ဟဇရသ် အာအိရှဟ် သခင်မကြီး၏ အခြားဆင့်ပြန်ချက်တစ်ခုအား မွတ်စ်လင်မ်နှင့် ဘိုခါရီကျမ်းတို့တွင် ဤသို့လည်း ဖော်ပြထားသေး၏။
كان رسول الله صلى الله عليه وسلم إذا دخل العشر أحيا الليل وأيقظ أهله وجد وشد المئزر
ဆိုလိုသည်မှာ- ကိုယ်တော်သခင်သည် လမြတ်ရမဇန်၏ နောက်ဆုံးဆယ်ရက်သို့ ရောက်သောအခါ ညတွင် နိုးကြားစွာနေတော်မူပြီး မိမိအိမ်သူအိမ်သားများအား နှိုးတော်မူခဲ့သည်။ ထို့အပြင် လွန်စာအားထုတ် တရားကျင့်တော်မူပြီး ဇနီးသည်များနှင့် ဝေးစွာနေလေ့ရှိခဲ့သည်။
၃။ ဟဇရသ် အာအိရှဟ် သခင်မကြီးနှင့် ဟဇရသ် အဗူဟိုရိုင်ရဟ် သခင်ကြီး၏ ဆင့်ပြန်ချက်တစ်ခုအား ဘိုခါရီကျမ်းတွင် ဤသို့လည်း ဖော်ပြထား၏။
كان النبي صلى الله عليه وسلم يعتكف في كل رمضان عشرة أيام فلما كان العام الذي قبض فيه اعتكف عشرين يوما ဆိုလိုသည်မှာ- ကိုယ်တော်သခင်သည် လမြတ်ရမဇန်တိုင်းတွင် ဆယ်ရက် အိသေကားဖ်ထိုင်တော်မူပြီး၊ ဝဖားသ်ဖြစ်မည့်နှစ်တွင် ရက်နှစ်ဆယ်တိုင် အိသေကားဖ်ထိုင်တော်မူခဲ့သည်။
၎။ မြတ်နဗီ(ဆွ)သည် ကဒရ်ညမြတ်အား ရှာဖွေလေ့ရှိသည်ဟု များစွာသော ဟဒီးဆ်တော်များတွင် လာရှိပေသည်။ (ထိုည၏ မွန်မြတ်မှု့များစွာအား မွတ်စ်လင်မ်တိုင်း သိရှိကြပြီးဖြစ်ပေမည်။)
အထက်ဖော်ပြပါ အချက်လေးချက်အား ကြည့်၍ ကျွန်တော်တို့အားလုံးသည်လည်း လွန်လေခဲ့သော ရက်များထက် သာပိုကြိုးစားမည်။ ကိုယ်တိုင်နိုးကြားပြီး၊ မိသားစုဝင်များအား နိုးကြားစေမည်။ အမျိုးသမီးဖြစ်စေ၊ အမျိုးသားဖြစ်စေ အိသေကားဖ်ထိုင်မည်။ ထို့နောက် ကဒရ်ညမြတ်အား ရှာဖွေမည်ဆိုပါက ကျွန်တော်တို့၏ အချိန်များ တန်ဖိုးရှိသွားမည်ဖြစ်သည်။ ထို့အတူ ပျောက်ကွယ်စပြုနေသော ပန်းတိုင်လေးဆီသို့ လွယ်ကူစွာ ရောက်ရှိသွားကြမည်ပင်။ ကျွန်တေ်ာတို့အားလုံး ပြုကျင့်နိုင်ခွင့်စွမ်းအား ရနိုင်ကြပါစေ.....
وما توفيقي إلا بالله العظيم
ဘရှီးလေး
mmolama မှ ဘရှီးလေး
မေမြို့
If you like this please Link Back to this article...
No comments:
Post a Comment
မှတ်ချက်များတွက် ကျေးဇူးတင်တယ်။